♥ أدعج غنج مافيه مثلك وحلياك ♥

[جهز العطاوي]

كتبت بيت الشعـر كلـه لعينـاك=ياللي غرامك ساكن بقلب مغليـك
يفداك كل الشعر والـروح تفـداك=ويفداك قلبً بالهوى مغـرمً فيـك
أنته حسين الوصف والزين يزهاك=سبحان من صور جمالك وحاليك
أدعج غنج مافيه مثلـك وحليـاك=كامل مكمّل قول من هو يحاليـك
قلبي شلعته بس مغرم ويهـواك=أهواك يا سيـد الغناديـر وأبيـك
أرفق على قلبً هـواك وتمنـاك=شاريك من بد المخاليق شاريـك
عسى المنايـا يالحبيبـه تعـداك=وتصيب من يشناك وألا يعاديـك
وعسى إله الكون يحماك يحمـاك=من نظرة الحاسد ويسعد لياليـك
وختامها يفـداك يفـداك يفـداك=شعري وكلي والمشاعـر ولبيـك

التوقيع

سبحان الله وبحمده سبحان الله العظيم ,, أستغفر الله وأتوب إليه