لاتنشدون الهوجس

[محمد بن هلال الرويس]

اعزائي اعضاء هذا المنتدى الشامخ اليكم هذه الابيات من باب التواصل لعلها تجد شي من الاعجاب

لاتنشـدون المهـوجـس عــن هواجيـسـه=خلـوه يـاخـذ مــع الهـاجـوس مـرواسـي
هـــــذا زمـــــان كـثــيــرات عـواكـيــســه=ماتسـتـمـر الـحـيـاة بــــدون عـوكـاســي
وقــت خـبـيـث وكـثــروا بـــه هلالـيـسـه=والـنـاس قـامـت تـصــدق كـــل هـلاســي
ماهمـهـم مــن يـكـون ويـــش تاسـيـسـه=المظهـر الخارجـي يغنـي عـن السـاسـي
رفيقـي اللـي ببعـض النـاس مـا أقيـسـه=يـعـنــك مـاثـمــن الـرفــقــه ولا قــاســـي
عنده تسـاوى صـدوق القـول ومخيسـه=الصادق أصبـح يسـاوي عنـده الخاسـي
ومن لا احتما ماقفه مـا أدرك نواميسـه=مـا يـدرك الـلـي يــراوي فـيـه نومـاسـي
والرجل وش خانته من دون أحاسيسـه=لا صـار خـال مـن الغـيـرة والإحسـاسـي
وطـعـن الأخــوة تـراهـا عــادة انحيـسـه=إكليـب مـا أرداه غيـر إســلاح جسـاسـي
وانشد هل الراي وأعرض عن برابيسه=إن كـان ماتعـرف الفضـه مــن المـاسـي
ضـاع الأمـل فيـك يـا محـرق محاميـسـه=ضاع الأمل فيك وش عذرك من الناسي
يـلـعـنــك يــارفــقــه تــالــيــك تـفـلـيـســه=ويلعـنـك ياصحـبـة مــا تـرفــع الـراســي
والـبـال لا جــاه مــا يبـعـث حواسـيـسـه=لابــد للـقـلـب مـــن سـجــه وهـوجـاسـي