حبي وهواااااااي

[ابن صنهوت]

بعد اذنك بنسقها

العين وقفت والبرد وسطها ذاب=واردفت بالونه ومركاي كوعي
كل السبب تافه وهو ضمن الاسباب=خيم على قلبي وسكر سموعي
وياناشد عن هالسبب وجه خطاب=لن كان من حقك تحب الفزوعي
ترى السبب غرو يوشر بالاهداب=ومن نضرته قامت تحطم ضلوعي
غرو فتني واشهد الغرو جذاب=واصبح يراقب جيتي والطلوعي
هذي ثلاث ايام والقلب مرتاب=مدري بلاه محب والا جزوعي
من قو مابه عنف وقف على الباب=خطوه قدم يصبح فواد نزوعي
وبيني وبين القلب وقفات وعتاب=واقول في نفسي ماغير طبوعي
آبوك يالمزيون دور لك اسباب=دور هواك اليوم عند الرجوعي
مالك ومال الي يفتل بالاشناب =راع السخا الي فالمراجل طموعي
واشهد شهادة حق ماني بكذاب=مليت من شوفتك وانتي فروعي
خوفي من الله يكتب لنفسي عقاب=وانا لرب البيت سامع وطوعي
ماقول انا ماحب لاكن من اسباب=حبي عفيف وخابرينه ربوعي
حبي ليامني تخيرت الانساب=وحبي لياصليت وسط الجموعي
وحبي لياذكرو هل الطيب الاشناب=ولياني معاهم يالبنيه فزوعي
وحبي علوم رجال من كل الاطناب=هذا هوا بالي وهذي طبوعي
مريت في بندة وشاهدت الاعجاب=ميزت حال الناس فأثناء سبوعي
ناسِ تبي درب المراجل وتنساب=وناسٍ تبي درب الفلس والخلوعي
ويالله ياربي ويارب الارباب =ياجاعلٍ فالخلق عاصي وطوعي
اجعل لعيني ستر يارب واحجاب=عن المعاصي ياجميل الطبوعي

صح السانك مبدع يالذيب