بسم الله الرحمن الرحيم
إهداء لكم هذة القصيدة وهي عبارة عن شكر للأخ العزيز عبدالله الفارس( فارس الإشراف)
مغنى تميم وفخرها
سـلام يافكـر التطـور و الابـداع=سـلام ياعـز العيـون ونظـرهـا
سـلام ياحـرٍ للامـجـاد تـبّـاع=سـلام يامغنـى تميـم وفخـرهـا
يافـارسٍ للعـز والطيـب شـرّاع=يا شـاربٍ جـم العلـوم وبحرهـا
ياعذب ياصافـي ويـا نهـر نبّـاع=يامـرويٍ وردٍ محيـلـه ديـرهـا
يامهندس التصميم ياذوق يا امتـاع=يارمـز يافـن الفنـون وصورهـا
لك في قلوب الناس موطن ومربـاع=أهل الوفا اللي مـا تغيـر سيرهـا
إن غبت مال الصرح من بعدك أسناع=مثـل الليالـي يـوم تفقـد قمرهـا
أقولهـا والله عليـمٍ بـالاوضـاع=أحدٍ يمـد الكـف وأحـدٍ قصرهـا
وألا أنت لك في قمة المجد مطـلاع=حـرٍ تعلـى بالسلـوم وشهـرهـا
ولا لي ورى مدحك ياعبد الله أطماع=إلا شكر من هـو لربعـي شكرهـا
والطيب بين الناس يشرى وينبـاع=وتبقى بيـوت العـز للـي عمرهـا
والطيب في راعيه يبقـى ولاضـاع=شجرة عطا تبقـى ويبقـى ثمرهـا
اسلم وسلم لي علـى طايـل البـاع=محمـد الفـارس منقـي دررهــا
شيخ القصايد جامـعٍ كـل الانـواع=الشاعـر اللـي كلمتـه يختصرهـا
إليا تكلـم ينصتـن إلـه الاسمـاع=وإليا سكـت هيبتـه كلـن ذعرهـا
وصلاة ربـي عـد ماهـب ذعـذاع=على نبي الخلـق وأطهـر بشرهـا
الشاعر / ذياب العصيمي
« آخـــر الـــمـــشـــاركــــات »
11-Oct-2009, 04:41 PM
مغنى تميم وفخرها
العرض الشجري