ياالله يامن بين الحق تبيين ....قصيده لشاعر / صاطي بن صنهات النفيعي

[عبدالله الصفياني]

يا الله يامن بين الحق تبــيـيــن يا خالقاً ليله وخالق نهـــاره
يامن نصب للناس عدل الموازين محداً يمثل حكمه وأقتـــداره
تفرج لقلباً جارحه وقته الشيـــن يبا العمار وصار وقته دمــاره
أخذ من الدنياء دروس وتماريـــن ماعاد يغوا سَرها بالأشـــاره
تزعل لها عين وترضى لها عـيـــن ولاحداً قدرها الأ بحلم وبصاره
ومن لا يسايرها على العسر واللين يشريبها ويبيع بيع الخســـــاره
كم نزلت من ناس كانو عزيزيـــــن وكم من ردياً زارد فيها وقــاره
كم طيبٍ يوم اللقاء يقضي الديِـــــــن اليوم عند الناس قل اعتبــــاره
يضوي كما تضوي الذياب السراحين وليا بغيت الشار يعجبك شـــاره
اليوم يحسب من حساب السفاهيـــن وجار الزمان وشاف فيه احتقـاره
ياجاهل الدنياء تراها أم وجهيـــــن كلاً علاها مثل واطي الخبـــــــاره
تضحك بوجهاً زين للناس يومــيــن ثم انقلب وأخذت على الناس غاره
الرابح الي باعها باع مسخيــــــن دنيا الفناء ماهيب والله تجــــــاره
لوكان في الدنيا يلم الملاييـــــــــن ماترفع أصله ساعه من نهــــــاره
الله جعلها كلها بين حــرفيـــــــن ومقدرٍ ممشاء الفلك في مداره
أخار منها من يحافظ على الدين صوم وصلاه وحج واوفاء الزيــاره
واداء زكاه الفطر للمستحقيـــن قبل صلاه العيد والانتشـــــاره
وليا عطاه الله يعطي المساكيـــن عطا يمينه ما تشوفه يســــاره
ما شح في ماله سوات الشحيحين اللي علاهم كثر المال عـــــاره
وصلو على خاتم جميـــع النبــييـــن اللي بعث بالحق سر وجهـــاره