مجوهرات الذهب

[راجح المطيري]

المشاركة الأصلية كتبت بواسطة محمد مذكر المغيبي

وارقا بفكري على ما طال لين أنه = يزول هم برا حالي وناحفها

هنـآ وقفة بكل تـأمل ... !!
لأعود وأكتب :

المشاركة الأصلية كتبت بواسطة محمد مذكر المغيبي

الحمد لك يا عظيم الشأن والمنه = يا حامي البيت والكعبة مشرفها
عفوك ورحمتك يا رحمن والجنه = ونفسي بعسر ومكاره لا تكلفها
وفرق هواجيس قلب يوم يشعن = كني من النار والبنزين أعلفها
لا مرت القلب يبطي ما تعدنه = تصدر جموع وجموع تخالفها
أما تصبح بها ولا يماسنه = من شين حظه تقول انه محالفها
ولالي جدا فالهموم ونبرة الونه = ألا أني أصد وأبعد لين أصرفها
وارقا بفكري على ما طال لين أنه = يزول هم برا حالي وناحفها
وأسرج مهار جزيل القول يزهنه = تصعب على من فقدها لا يزيفها
بنات فكر اليا داجن وحافنه = قطيع ذودٍ سموم القيض لايفها
أعرف مداهله وأعر ف جررهنه = نوادرٍ جل صاخرها وعاسفها
أشكال مثل الذهب وأعمارها سنه = يحتار فيها الخبير اللي يصنفها
تمشي بطوعي وصاف العد يردنه = وأنا بخيص بها وأعرف وصايفها
قمة جبال الشرف والعز يرقنه = ولا تظهر إلا منقيها وحايفها
وأبعد بها عن مجال الشك والضنه = وأصدها عن كلام ما يشرفها
وأنهج بها منهج ما يختلف فنه = ومطية الشعر جزل الشعر رادفها
اليا سمع نهجها العاقل يشوشنه = والا هل النمنمه تخرس مسولفها
حطاب ليل عيونه ما يقدنه = وسوالفه قبل لا يجلس مراصفها
ويقال له ناقد بيطار لونه = المفرده لو نشدته ما يعرفها
ومجوهرات الذهب في غيره أهلهنه = لو أني احتاجها ماني بصارفها

هنـآ للإبداع مقّر ومستقرّ ..
هنـآ
نعانق الجزآله
وهنـآ
نعانق قمة الإمتاع بالطرح ..
أخي :
محمد بن مذكر المغيبي
ألف صح لسـآنك
صآن الله فكرك وحماه ..
سجل متابعتي لشخصك ..
دمت بأفضل حـآل
.... }