من أجلكم .. .. }

[راجح المطيري]

.

ياسـلام الله.. بـأرض الله.. لوجيـه الفـلاح=مازجه بالطيب في ظـرف الكـرم والمرجلـه
حايكه حوكـة محنـك يـوم صبـه ثـم فـاح=وشدتـه يمنـاً تزيـد الكيـف فيـه وتزّهلـه
صافياً صفو السماء وانقى من المـي القـراح=مايـلاً بـه للجـزل وأجـدع دروب المهّزلـه
حامله في طايره ماهيـب مـن ذيـل وجنـاح=طايـره فـي بطنهـا حـرفٍ قديـم تجمـلـه
طايـره ماهـي حديـد إلاقصـيـدٍ مستـبـاح=من خفا جوفـي ومـن راسـاً بيوتـه تذهلـه
ياجماعه افطنـو لـي ماخفـا بالقلـب نـاح=واقربوا واقروا علي الحمـد عقـب البسملـه
راح نصـي يـوم نصـي مافقدتـه ليـن راح=صرت نصاً دون نصاً وسـط عصـراً يهملـه
اشهد إن الحـب ذنبـاً مـا يكفـره الصيـاح=واشهد إن الحب داءًا طـبّ عصـري يجهلـه
واشهد إن العين ليـلأ كامـل وخـده صبـاح=وعندهـا بـه جمرتيـنً والشعـر ماجـدّلـه
جيت قلت : الله يلعـن جـدك بلعـن المـزاح=يالمهجـول بالغـلا وش عـاد بـي تهجولـه
قال : آسـف والله إنـي مانويتـك بالجـراح=بـس خذهـا ياحبيبـي زود طيـش وطهبلـه
وراح يمشي قلت : وقف. وإلتفت قلت : استباح=قال : منهو. قلت : هجرك مستبيحـه وأزهلـه
والله إنـه ماتطّعـم خافقـي منـك الـصـلاح=كـل ماجـاك يتلـذذ فـي عيونـك تزعـلـه
راح عمري في غرامك من صباح إليـا صبـاح=ولا لقيت بوجه صدقك غيـر كـذب وزعبلـه
قال : كيفك. قلت : طسّ وطسّ مدري وين راح=ولعن ابو جده أخذهـا جـد روّح مـا أهبلـه
بس عادي والله إنه ماأنحنـى راسـي وطـاح=غيـر لله واحـداً قــال الكـتـاب ونـزلـه
والله إنه يعـرف إنـي وافيـاً ليـل وصبـاح=ويعرف إني لامشيت الدرب مـا ارجـع بأولـه
ويعرف إني لي خفوقاً يشـرب السـم الذحـاح=وكل رجمـاً لاطلـع بـه خافقـي مـا حولـه
والله إني لشرب سمومه ولا أنوي لـه مـراح=ووالله إني لسكـن بدمعـي ولا أجيـه أحملـه
ووالله إن الموت يأخذنـي وقولـي مـا يـزاح=ووالله إني لندفـن ماقلـت حملـه مـا أثقلـه
وهذا أنا لي عقب هجره خمسة شهورٍ وضـاح=رامـي الماضـي وراي وكـل عـوج أعدلـه
والله إنـي مـا بغيتـه بالقصيـده بـس راح=طربخـة فكـري براسـي لا البيـوت تحولـه
باغياً بالبيـت جملـه مـا تزيـد إلا صـلاح=قول : { وقت اليوم منهو تعرفه قـد تجهلـه }
بإختصار : اللي حفظته في ذرى صدق ونصاح=وشايله بيـن الضلـوع ولـه وقـار ومنزلـه
لاأرتفع صوت الزمازم وإنتشـر والسيـف لاح=وأثقل الحمل الكتوف وصحـت لـه وأعتزتلـه
أشهد إنه ما حمل حملـك ولا شفـت الفـلاح=وأشهد إنـه خـاب ظنـك بالرفيـق ومزهلـه
يحمل حمولـك بعيـداً ماعرفتـه ليـن صـاح=بالعـزاوي رافعـاً صوتـه وحملـك سهّـلـه
ذيب ليلأ بـرق غيمـاً فـي تـوال الليـل لاح=كـل بابـاً للمراجـل لافـزع لـك حصـلـه
من بغيته وسـط وقتـه مالقيتـه عنـك راح=ومـن نسيتـه ماذكرتـه بالشقـا ماتجهـلـه
وبالختـام الله يبـدل دامـس الليـل بصبـاح=والصبـاح الله يجيبـه فـي صفـاه ومكملـه

.