يا سدول الليل !!!

[عبدالله الفهد الاسعدي]

المشاركة الأصلية كتبت بواسطة ولدعساف

يارجال الطيب والمعروف و زحول الشجاعه = من يغرس الطيب يلقى الطيب برجال الحموله
والله إن الطيب بأهل الطيب يبقى كالوداعه = والحقود يموت في غبنه ولاشي يطوله
الأمل له فيّ بين والرجا بازغ شعاعه = والندى هتان ديمه والرعد يسبق هطوله
يا سدول الليل رفي مابقى للصبح ساعه = أشرقت شمس الحقايق بعد ما ارخى لي سدوله
والله اني ماحسبت احساب من يقصر ذراعه = الردي يبقى ردي لو يلبس ثياب الرجوله
دايمٍ قاصر بفعله قاصرٍ شبره وباعه = ومن قصر بالفعل مهما كبر عرضه ضر طوله
الردي ماهيبه ياكود من يغسل شراعه = قاصر النظره قليل المرجله تقصر فعوله
المراجل تنزرع بالطفل من سن الرضاعه = تربة خصبه عليها يجتهد منه يعوله
المراجل تربية منزل من اصحاب البتاعه = يكتسب من فعل أبوه ونهج جده بالبطوله
الوهايب من عزيز الملك ماجلبت بضاعه = ومن زرع يلقى نتاج البذر في جني محصوله
الحياة دروس جمه والرضا ساس القناعه = والبشر كل ونهجه ما يغيرّ عن ميوله

الله الله ..

صح لسانك مدد بلآ عدد ..

قصيده جزله من شاعر جزل ..

كل بيت يستحق التثبيت وقرآءته عدة مرآت ..

لآهنت ..

تقبل احترامي وودي ..

,,,

صح بدنك ياولد عساف

اشكرك على هذا الثناء واشكر تواجدك الطيب

رفع الله قدرك واجزل اجرك

الله لايهينك ، لك مني ازكى تحيه