حمود بن خيشوم العصيمي =
أبا سعود العصيمي من جماعتنا وأحبه موت=ولاتهـم الهويـه يـا كويتيـه سعـوديـه
بعد جاءنا قريب لا ينادينا ويرخي الصـوت=يبادلنا السـلام ونشـرح الخطـر برديـه
سعود العصيمي =
تناديني وجيتك مارلايمكن عليّ تفـوت=ولاتهم الهويـة ياسعوديـه كويتيـه!!
ابا اغني معك والعبك الليله كما الريموت=عسى ربي يعينك والعلوم شويه شويه!!
حمود بن خيشوم العصيمي =
أبا أناديك لاننساك تنسانـا نسيـك المـوت=ولا حنا بثلج يذوب بيـن الشمـس والفيـه
على هونك يابو طايل نفوس بعضها مكبوت=تحط يدين دون يديـن هـاذي دون هاذيـه
سعود العصيمي =
انا اشوف الكوارث كلبوها في بلد بيـروت=واظنه طبع اهل بيروت من عصر الهلاليه؟
يابن خيشوم مادام انت من قوم كبار بخوت=وش ايهمك من علوم ٍ تجي وتروح مثنيه!!
حمود بن خيشوم العصيمي =
بلد بيروت نصرالله وحزبه في البلد مفلـوت=خطير أخطر على السنه من شعوب اليهوديه
تفرج مابقي في أرض الجزيره ينعبد طاغوت=بلدنا أحسن بلد مـا فيـه كنتونـات حزبيـه
سعود العصيمي =
ترا الشره علي اللي يعرف الشايت من المشيوت=وكنـه مايشـوف وشغلتـه ماهـي طبيعيـه!!
انا ماعندي الا السيف لرقبـة العـدو جالـوت=صحيب الطاغيه شارون من خمسين حوليـه!!
حمود بن خيشوم العصيمي =
وأنا ما أشره على ألي لابسٍ في الحر بشت وكوت=مـا أشـوف عيونـه مغيـم بنظـارات شمسيـه
تشد السلك ما ينشد معـك مـن أسفلـه معفـوت=تلوى ليـن صـار بيـدك أخـفً مـن الملوخيـه
سعود العصيمي =
عصى موسى يابن خيشوم تبطل ماصنع هاروت = كبنك ماتشوف الناس غير بعين سحريه!!
ابا اشوتك واشوت اللي يشوتك في غيابك شوت = علمنا مرتفع فوق العمود ونارنا حيه؟
« آخـــر الـــمـــشـــاركــــات »
العرض الشجري