(( مقياس قدرات الرجآل , المواقيف ))

[ولدعساف]

المشاركة الأصلية كتبت بواسطة علي فلاح العضياني

تواصلاً معكم


إليكم قصيده قلتها في الشيخ : صنيتان الضيط حفظه الله

مقياس قدرات الرجال , المواقيف = ولاّ الرخاء في مستواهم تساوي
وقت الفعايل ما تفيد السواليف =يقرب من الحروه بعيد الهقاوي
الصارم اللي ما حسب للتكاليف= في قبضة يمينه زمام الدعاوي
مشرف مثل نجم الجدي فالمشاريف=بحسابنا ما هو حساب الخلاوي
الضيط ابو فواز راع المعاريف=للعز و التاريخ و المجد حاوي
يستاهل الفنجال الاول من الكيف= قدامكم يا شاربين القهاوي
عز الرفيق مكرّم الجار الضيف= من جوده المحتاج يصبح غناوي
ناصيه لو يشكي هموم و تخاليف=يلقى لكل هموم قلبه مداوي
بالوصف من طيبه يفوق التواصيف=أرهى من العدّ القراح الرهاوي
و أرسى من الضلعان وقت العواصيف = و أصدق من ثعول الخيال السماوي
ليا لاح برقه فالمزون المراديف= يرجع به الدار المحيل السناوي
الله يجيره من سهوم الصواديف=النادر الحرّ العديم النداوي

.

.


الله الله ..

صح لسانك مدد بلا عدد .. ويستاهل الشيخ صنيتان الضيط ..

محبك ..

.

.

..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها