فالح الغنامي يجيب على أسئلتكم وإستفساراتكم

[فالح الغنامي]

المشاركة الأصلية كتبت بواسطة صقر مكه

سلام والهقوة بعيده والهدف ماهو بعيد @واليوم حنا فاول المشوار واول مرحلة.

اقوي بدعه شاهدناها في شاعر المعني للشاعر فواز الهذلي

جا فالح الغنامي في مرحلة24وقال سلام ياول مرحلة واليوم ثاني مرحلة

هل هو اقتباس من فواز ام توارد خواطرً؟


وشكراً

اخي صقر مكه يامرحبا ومسهلا ويشرفني تواجدك


اولا فواز السعيدي شاعر مايختلف عليه اثنين وانا من اشد المعجبين بهذا الشاعر ولا ندمت الا على اني

ماحضرت حفل تكريمه .


اما بالنسبه للبيت اللي ذكرته لو تلاحظ ان فواز رد السلام على الحضور وانا ماسلمت على احد نهائي سلمت على مرحله ماضيه كنت ابي الشاعر اللي يلعب معي يرحب .

وثانيا واللي خلقك ماسمعت البيت هذا الا منك لان اغلب محاورات شاعر المعنى والله ماتابعتها نهائي

مع العلم ان الاقتباس جائز في الشعر ويشرفني ان اقتبس من اي شاعر مبدع ولكن لله الحمد من فضل ربي ان اغلب ماقلته في شاعر المعنى لم يتطرق له اي شاعر من قبل وهذا شي اتعمده دائما واحرص عليه حتى ابتعد عن المستهلك وانا مااقوله من باب الغرور او الاعتزاز بالنفس بالعكس والله ارى نفسي من اصغر الشعراء .