 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
13-Jun-2011, 01:57 AM
|
رقم المشاركة : 2 | |||||
|
 الشاعر الخريج/مشعل نايف السميري يالله جملني على حق تكفى لا جا اللزوم احد من حد شلفا في بكرةٍ ما هي على الحول خلفا لا فطرن مع دور الايام الابكار . و يالله بعونك في عريض المنصه عن هرج لا يشرى و لا يباع نصه لا يتبع اللقمه و لا يفك غصه قدم الحضور اللي شخصوبي بالانظار . في مرحبا لضيوفنا اللي لفونا على النقا و الطيب هم شرفونا و لاحنا بمعفيين لو هم عفونا من الكرامه و الكرامه لنا كار . يا مرحبا يا ضيوف باسم المعازيب و نيابةً عنهم بارد التراحيب يا مرحبا في حلةٍ كلها طيب و يرهي معزبها على الضيف الاعذار . ما هو قصور الا طموحٍ على الزود نقا يدينٍ تتقي كل منقود تصفع مشاريهٍ توارد كما الطود صفعة صباحٍ ينحر الليل بانوار . يا مرحبا طيبٍ من الطيب مجناه و يا مرحبا عزٍ على العز ماطاه و يا مرحبا شيبٍ على لحية الجاه يا مرحبا عدة عدد زخ الامطار . يا مرحبا نجمٍ علا نجمة سهيل دليل من يضرم على البن و الهيل دنة نجر و لاَّ شعاع القناديل دليل هتاش القرى وقت الاسحار . يا مرحبا مرسومةٍ بين عينين من نطقها لاسماعكم ضافية زين و نضفي لها الفرحة بطلق الحجاجين ما هي بعقد حجاج بوجيه خطار . مقام من طاوله طاب له عز من فعل كفَّه فيه لا بد يبرز أما له الصعبات بالحال تعنز و لاَّ يعدونه و يعتاد ما صار . في قاعة الأسطورة اللي جمعتنا العام و اللي ورى العام و سنتنا قدامنا دفعة و دفعة قفتنا توالي الأجيال من ماكر أحرار . الكل منهم ذاخر الطيب لأبوه يجلب عليه النعم عن كل مشروه يخشى تلقاه المكيدات و يتوه يصبر على غبن الميادين ماحتار . صفوة طويلين اليماني المطاليق عوق الصديع اللي جعلوله مسابيق شبوط ما يوقع بروس الشواهيق مغير في كبد الدجى طعمته فار . يا ضيوف فازوا بالمواقيف فازوا اصحابي اللي للشهادات حازوا هنيهم بالطيب للشيب جازوا واهني من جازا على الطيب ما بار . يا ضيوف هذا حفلهم يوم قاموا و عن الرخا و الهون للصعب شاموا وردوا على سوق الصعيبة و ساموا دون الوطن و الدين ساموا بالاعمار . حنا سعوديين يا صوت الارهاب و ابناء سعوديين يا عصعص الداب يا عملة التدمير ما ارهبت الاعراب زنود و عضودٍ كما الطوق للدار . نحمي الحما و نصون عهدٍ قطعناه إنّا ليا صكوا حواليه شلناه دارٍ من اعمار العزايم عمرناه ما نسمح بهده لو الجار به جار . هذا و للجزلات تفسح منابر و يرخي لها الاسماع من كان كابر تاخذ به الافكار عن كل ثابر يونس حلاوتها على لسان الامرار . خطة قلم من فكر صافي و وافي على الورق تنخط و الحبر صافي فيها من المرحب على كل لافي امداد من فكري ليا شردت افكار . اصبها بالصوت باسماع ربعي عتيبة الهيلا زنودي و ضلعي لا شانت الهيَّات ثم شان طبعي إبها على الهقوات مزداد باشبار ــــــــــــــــــــــــــــــــــــــــــــــــــ ـــــــــــــــــــــــ قصيدة الشاعر سعدي الكسر  الامسية الشعرية  روساء اللجان المنظمة للحفل  تكريم الفائز بجائزة الامير نايف لحفظ القران الكريم الخريج/محمد مقعد العتيبي  تكريم مجلس ادارة قناة المرقاب استلمه الاستاذ/خالد الحزيمي  تكريم ادارة منتديات عتيبة الهيلا استلمه الاستاذ/ فهد معدي بن صايل  الملازم/احمد تركى الماشي يكرم الشاعر /عبدالله الصفياني  تكريم الشاعر/ثامر بن خويتم القثامي والشاعر/سعدي الكسر  تكريم الشاعر الخريج /مشعل السميري  صورة تذكارية مع الخريجين  صورة تذكارية مع الخريجين  صورة تذكارية مع الخريجين   النقيب/زيد الخديدي والخريج/سلمان الرويس والخريخ/نمر الدلبحى  فهد العازمي العتيبي  الدكتور/خالد بن نهار الرويس والخريج خالد بن سعد الرويس  الاستاذ/متعب المجيولي و محمد موسم المجيولي آخر تعديل أخو جوزا يوم 16-Jun-2011 في 07:00 PM.
|
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض الشجري