مساعد العضياني
سلامي على برقا سلامي على روق=هل الطيب ربعي كاسبين الجزيلـه
نبى الشاعر اللي دايماً معتلي فـوق=يدينه تمـد الطيـب ماهـي بخيلـه
سعود العصيمي
هلا مرحبا ترحيبة ٍ ترفـع السـوق=من الهاجس اللي مانقص وزن كيله.
والا يامساعد بعد ماهـزك الشـوق=تهرج وهات العلـم وانتـه دليلـه.
مساعد العضياني
على الطيب يارجال والعلم موثوق=وللطيب راع الطيب قد عن خيله
ترى دنيتك ياذيب سابق ومسبوق=ولاخاب من هو فالزمن شد حيله
سعود العصيمي
انا اقول ماهو كل مطرود ملحوق= لكن انتـه للهيـل والجنزبيلـه.
تعيّن طريق وعطه لاصابك العوق=ترا الطيّب اللي معه حيل ٍ وحيله.
مساعد العضياني
انا نظرتي ياصاحبي دايماً فـوق=ويمنـاي والله ماتمـد الهزيلـه
طريقي قدم ياهيه والنذل مصفوق=ودربك هذا ياسعود ياكثر ميلـه
سعود العصيمي
ما قلنا قصور ٍٍ فيك ياحامي النوق=ياراع الكحيلة وين هات الكحيلـه.
تخيل الخيال اللي به رعود وبروق=لعلك تقوم بحملك اللـي تشيلـه.