وجهة نظر في هذا الشطر ، (وعسى كل بيت فيه نلقى عمر وحسين) !!!

[سلطان البقمي]

ســلام السعوديين





سلامي على بحرينكم يـا هـل البحريـن
على شوفة الاحبـاب مـا فيـه تأخيـره
سلامي على اللي حط منزالكم في العيـن
وحث الخطى للمجد من حسـن تفكيـره
حمد جارنا اللي طلته في القسـا والليـن
تساوت بوجهٍ ما عـرف يـوم تكشيـره
رسالة غـلا مختومـه بنخلـه وسيفيـن
حملها السلام اللـي دريتـوا باساريـره
سلام السعوديـه .. سـلام السعودييـن
هل الطيب والنخوه والاخلاص والغيـره
يسلـم عليكـم شيخنـا خـادم البيتيـن
ابو متعب حزام السعـد طيـب السيـره
الى مد يد العون مـا احـدٍ وراه يعيـن
يحـط الصعـاب بكبرهـا حبـة شعيـره
وابلغكـم جـزال التحـيـات يالغالـيـن
من السيف الاجرب سيف الاجداد ما غيره
خذا في ضيافتكم سنيـنٍ وراهـا سنيـن
ولا حصّل مـن بلادكـم غيـر تقديـره
ترى الجسر وحده ما ربط بين اهلنا بين
علاقاتنـا شـي مـن الصعـب تفسيـره
ونبقـى عليهـا دام حنـا مـن الحييـن
ما دام الدول ما بيـن جـرفٍ ودحديـره
الى صد الاسطول وتخاذل عـدو الديـن
نقول احتزم يا جار حنـا هـل الجيـره
نوقّف ونصطف ونجي مثل سور الصيـن
ونعمل عليه ان حـس بالضيـق دويّـره
على الدوله تقّدر حقوق المواطـن زيـن
وعلى الفرد ما يعشق ورا ديرتـه ديـره
وانا خابر البحرين توجـد بهـا الثنتيـن
كبيرة مقام وشان .. لو قالـوا صغيـره
الا يا اهل البحريـن لا ننقسـم نصّيـن
عسى كل بيـت يزيـد بالحـب تعميـره
وعسى كل بيتٍ فيه نلقى عمر وحسيـن
والايام تجمعكم علـى الخيـر والخيـره





عمر وحسين ،، يرمز بهذه الاسما لحكام الدولتين السعوديه والبحرين


لكن الخطا كان في كلمة (تجمعكم) لو قال تجمعنا وضح القصد ،، ولكن هو يخاطب الحكام بكلمة( تجمعكم) وهذا اللي كثر التأويلات في هذه الا سما من قبل المحللين من وجهة نظري لو قال تجمعنا افضل لكن يبدو انه يخاطب الحكام




هذا تفسيري ووجهة نظري اعتقد مافيه تفسير اخر





تحياتي