معركة الأثلة في رواية مطير

[مطرقين ودنقور]

اخوي النيروز الله يعطيك العافيه

ترا مطير اقرب لنا من شمر وعنزه والحق نقوله لنا ولا علينا ولا نرضى نهضم حقهم لان فعولهم مع عنزه ماينكرها الا جاحد

انا لاحظت هجوم عنيف على منتدى الهيلا بالذات وانه منتدى تزوير وجبت موضوع من منتدى مطير وقلبت فيه المعركه لصالح مطير.
ولو اردنا ان نتعاطف او نجامل اخواننا المطران كان قلنا المعركه انتهت تعادل لاانتصار ولاهزيمه هذا اضعف الايمان اما يكون الانتصار لمطير فيعذرونا اخواننا لان النص واضح وابن سعود غنم له نياق عليها وسم مطير ولانقدر نقول غنم الابل وانهزم لانها ماتجي في قاموس المعارك

وياعزيزي انا ماكتبت الموضوع عشان توجه مدفعك لمطير بالعكس حمران النواظر لهم فعولهم وتاريخهم اللي يحمس اي باحث يقرا عنهم بس مدام الدعوه وصلت ان منتدى الهيلا منتدى اطفال وتزوير يحق ابين بعض التزويرات الخفيفه من اخواننا.

واضف الى ذلك معركة فضيحة مطير يقولون انتصروا فيها على عتابه وانا اقول يمكن اخواننا لخبطوا بينها وبين اهدان ومعركة اهدان انتصروا فيها حمران النواظر على الشريف ومعه عتابه لكن فضيحه معروفه عند رواة مطير قبل عتيبه واولهم ميزاني في عفيف ماحب اذكر اسمه وفضيحه قال فيها زبون الحرد ابوضيف الله:

يبا الثواري ماخذيتوا من الفيد *** ماخذتوا من برقا اخذنا بثاره

ونسب الانتصار في طلال الاولى الى مطير لانه قال احدهم مطير هي من يستحق الفخر وليس المهزوم يقصد عتيبه
وكأنهم نسوا فزعات القبايل لهم لانها اكثر من احصيها لان اكثر معارك خوالنا جماعيه والنصر في الاخير ينسبونه لمطير فقط
فالحرمليه كان لقحطان وقفه قويه مع مطير وبعض مطير يقولون انها بريه فقط ونسيبهم القحطاني
والصحيح ان ال روق من قحطان وبريه عن بكرة ابيها وعلوي بقيادة عماش الدويش وهذا بحد ذاته يعتبر جحود لقحطان

والرشاويه وعرجا هذا في مايخص عتيبه

اما في مايخص غيرنا فمطير لها وقعات مع عنزه من العيار الثقيل ولكنها لم تكن وحدها بل كانت مع الدهامشه من عنزه في كير والمربع بالاضافه الى الروقه وشمر وبالاخير يكون الانتصار لمطير وحدها قد يكون هم الاكثريه ولكن هذا لايمنع ذكر القبائل والثناء عليهم واخواننا اكتفوا بقول ان مشاركة الروقه غير فعاله ولايكاد ينعدون بين الجيوش

ومناخ الرضيمه نسفوا اخواننا موقف العجمان وبني يام والدواسر والمصيبه انهم يقولون انهم من انهى حكم ابن عريعر!!!

ابن عريعر انكسر في الرضيمه ولكن لم ينتهي حكمه والذي انهى حكم ابن عريعر ولم تقم له قائمة بعدها هو الامام تركي بن عبدالله وارجع الى كتاب امين الريحاني تاريخ نجد وملحقاتها والدوله السعوديه

هذا بعض مافي مخيلتي والبادئ اظلم ياخوالي