ذلول إبليس !!!

[عيد بن مرضي]

سلام الله على نهج الرجال اهل السطر والعون=وانا اتعب للعلوم الطيبه واروح ادورها
ولا ياصاحبي والراس له فكر وخشم وعيون=وهاذي خلقة المولى وانا مقدر اغيرها
وانا للطيبين اهل المواقف ياولد منون=وروسٍ للعلوم الطيبه بالحيل اقدرها
وانا كيف ارضي الصاحي وانا كيف ارضي المجنون=لكن شعيل نوخ ,, والحمول شعيل يقدرها
ذلول ابليس مع بطن الشعيّب يسوقها فرعون=وفي رأس الصفاه اليوم ابا سمّي وابا انحرها
ياكثر اللي يجينا شايلٍ سيف الخطا مسنون=ولنّ ثارت مع الغبّشه سيوف القوم اكسرها
وانا لو جعت مافتش وادور داخل الماعون=يكفيني من المقسوم واصبر واتصبرها
يبحنّ السراير يوم انا ماباحت بالمكنون=ووقتٍ جمع الاصحاب ,, وقتٍ قام ينثرها
ولا ياوجد روحي وجد شايب فالسجن مسجون=وكبده منّفطر والعين مغرقها ومسرها
مضى يحلم بمالٍ مثل مال الطاغيه قارون=ودورات الليالي تعسره مره ويعسرها
غدى مابين يوم وليل باموال العرب مديون=اسير ولا لقى لكسوره ارجالٍ تجبرها
وانا ماني بحيّ الله قصادٍ يجر لحون=اوردها على عدٍ قراح الماء واصدرها
ليا جتنّي رددها قلت صح لسانكم مليون=ومن سج قدمه يعرف يمين الدار وايسرها