عديت ربعي فالرخا واتعبوني ..!!

[عناد الشيباني]

السلام عليكم ورحمة الله وبركاته

اسعدالله ايامكم بالخير والمسرات

ويسعدني مصافحتكم من جديد
..

من كلماتي واداء المنشد فايز العتيبي

عديت ربعي فـ الرخا و أتعبوني =من كثرهم مجمل عددهم يهول
و عديتهم وقت القسا و أحرجوني =لقيتهم زادوا عن الرقم الأول
ياحي طاريهم دروعي و عوني =لا حان يومٍ لـ المخاطر يمول
لي عزوةٍ تسوى نواظر عيوني =و تقديرها في دم جسمي تجول
أفخر بربعي لنهم جملوني !!=أمجادهم تاريخ شرحه يطول
في كل محفل بالفخر يقدموني =في حاضر الأيام و إلا منول !!
ولا احتجتهم من قبل لا أقوم جوني =و خلو نجوم المستحيله تحول

[راشد النفيعي]

وعلكيم السلام ورحمة الله وبركاته

صح لسااانك مدد بلا عدد

ياحيها من قبيله

والنعم فيك وفي العتبان قاصيهم ودانيهم

من دون قصور في باقي القبائل

انت شاعر وبيض الله وجهك بس ياليت استرسلت في القصيده

وماانهيتها