أربـــعـــة من قبيلة عتيبة يـبـيـدون قوماً بأكملهم ......

[مزبان طيب]

اسمحوا لي بالمشاركة

الحق يقال

انا كنت اقرأ هذا الموضوع وكان بجانبي احد كبار السن فقال لي " انت وش تقرأ في المجنون هذا" فقلت له القصة فقال لي انا اقص علاك القصه اللي اخذتها من لسان صالح ابن مذكر الله يرحمه

اولا: هم كان في البيوت ما كانوا غازين ولكن يمكن ان اكثر الروقه غازين صدق المهم ان مذكر وولده والقروره اثنين اهل البل موجودين (( ويقول ما ادري كيف جاهم الخبر )) يقول الظاهر ان اللي جاب لهم العلم حرمه..

يقول على لسان صالح:
فزعت انا وابوي والقروره وحنا اربعه والبل قيس ماخوذة الصبح ولا لحقنا ولا طب بطونا الاكل والماء الى العصر ويوم جلسنا وحطيت التمره في فمي اليا ابوي يشهق اثره شايف البل يوم طلعت على هضبة قدامنا تقول شيران ... المهم فزعنا ولا لحقناهم الا على صلاة المغرب .... ويوم جيناهم احتريناهم لين رقدوا الا شايب يطبخ لهم والظاهر انهم ذابحين "الحوار" وكان مكوع ويلمس الرز بيده جنب النار يحتريه يجود المهم قال الابو حنا كم قلنا حنا اربعه قال لا حنا 24 كل بندق فيها خمس والرجال السادس لا تثور الرصاصه الا في رجال والسكين تذبح الخامس المهم تشجعنا واثر ابوي والقر كانوا معايرين في الشايب اللي على النار سوى يقول والله اني اعاين فيهن يوم وقعن سوى فيه ولا طاح الا على وجهه في النار ثم قمنا علاهم واكثر رمينا في الريجيل وهم اكثرهم توه صاحي من النوم وكنا نذبح وانقول عندكم يا هل الخيل للي منحاشين ويوم وقفنا عند البل اليا المكان خالي مات اللي مات وهج اللي هج وارتدانا البل .....


ما انا الا ناقل لما سمعت للامانه فقط