((تقطعت كل الخيوط.))

[مقعد الدغيلبي]

المشاركة الأصلية كتبت بواسطة مرزوق العتيبي

...
. متواضعه اتمنّى ان تحوز
ولو على الجزء اليسير من اعجابكم
....

يابنت انا قلبي يحب وله على حبه شروط = اول شروطه من يحبه مايريده يجرحه
الجرح الى منه تكرر وصّل لحمر الخطوط = والخط الاحمر من وصلّه نزعله مانفرحه
انا الوفى طبعي وكل الحب بالقلب امحطوط= وليا وفيتي لي لعبتي به سوات المسبحه
يابنت وش لون الغلا يبنى على الساس الشطوط = اللي يبا يضحك على الثاني ترى الله يفضحه
يابنت انا رجل ٍ غيور اليا زعل قلبه يشوط =اغار والغيره على الرجال خطره تذبحه
حبيت ابين لك شعورالصدق من حبٍ فروط=هذا الصحيح المختصر واليا بغيتي نشرحه
اخذت شوط مع الفرح ومع الحزن عشرين شوط = والباب مغلق لو نحاول ماقدرنا نفتحه
اغلقتي ابواب الا مل تقطعت كل الخيوط = رغم الاسى وايضا السهر مافيه شي نربحه
بعد الامل والحلم صرت اليوم في حالة قنوط = والمصلحه بيني وبينك مالقينا مصلحه
الله يعين اللي تعرض للمشاكل والضغوط = والوضع فوق انه يصلّح لو يحاول يصلحه

هاذي مايقتبس منها بيت والا بيتين
والا والا
هاذي أقتباس كاااااااااااااامل ولايكفي
لانها جمهت الابدااااااااااااع والجزاله
والقوه المذهله *** لله درررررررك من شاعر
شاعر إذا كتب أبدع وانصاغت إليه الاذهان
شهادتي فيك مجروحه يامرزووووووق
تقبل تحيات تلميذك

التوقيع