طاش ماطاش بين التسليه والاستهزاء بالدين(حلقات خبيثه تحت المجهر)

[فيصل محمد]

ما أجمل ماقاله الشاعر في الممثلين
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله من هـم بصـدري بـدا يجـيـــــــش=يزفر كما البركان بصدري اليا جـــــاش
لو يضرب جبال الهدا طيره ريــــــش=وخلا الوطى من تحت الأقدام تنخــــاش
وفكرت في دنيا بها الخلق ما تعيـش=واخذت انافي بحر الافكار مطــــــــراش
يقطعك يا دنيا تزعم بها الديـــــــــش=بوقـت تغير واصبح الرأس منــــــــداش
ولد الحمولة ذل وزمر حتيريـــــــش=وقامت تمخشـنا سلق طـاش ماطــــاش
ناس مثل وصـف الهـلايم قرا فيـش=ولو جبتهم للبيع عيفـوا بليــــــــــــــاش
ولوقمت أفتشهم عن الطيب تفتيـش=للقـى دواخـرهم حثاريـب وقشـــــــــاش
لاقام يمدح لك بنفسه بدا يطيـــــــش=ما كنه الا اللي يسـمونه التـــــــــــــاش
وهـو حثال من حثايل دراويــــــــش=عايش مع الطيب سوى مثل من عـاش
احـب أنا الطيب ولو ماعطـانيــــــش=ولا الردي لو يمـلك المال حتـــــــــــاش
يا رايح لم القصبجي وابوخيــــــش=وزميله السدحـان للكـذب محــــــــواش
قله عليكم من هل الفكر تفتيـــــــش=وبين خطـاكم على الناس ياخفـــــــــاش
تمثيلكم كـله سبايـب و تمخيــــــــش=تجـار هـرج مابكـم عـز وعــــــــــراش
الهزو في شيبانا والغـلط ليـــــــــش=وش الهدف واللي تريدون ياخيــــــــاش
إن ما تركتوا سـب عماش وعميـش=واللـه لشرشحكم مثل شغل مخــــــراش
واحذركم الكهرب شبكناه بالفـيــــش=وانتم بزاريـن تحـدون ببـــــــــــــــلاش
وان كان عندك رد هاته وتلطـيـــش=دونك مطوع عـسر الأمثال عـفــــــــاش
المرجله بينك وبينها لوا جـيـــــــش=ما لك على خطو الحثالة وماحـــــــــاش
حقرانكم للناس مايجيب لكم عيــش=ومعيبة في منطـق العقل والجـــــــــــاش
الهزو في شيبانا فيه تغـشـيــــــش=وغشيتوا المشاهد بتزييف وبوشــــــاش
اذناب ناس بالحكايا مطـانـيـــــــــــش=نافخكم المدحور والريح تنفــــــــــــــاش
ان كان طموحاتك بعيشك تبي تعيــش=فأنتم وانا وفلان ولدنا مامعنــــــــــــــاش
وان كان طموحاتك كسب المعاويش=فالكلب في دنياه عايش و معتــــــــــــاش
ما ينفع الطماع اكل البخـاشيــــــــش=ومن لا يتنومس خاب حظه ولو عــــاش
كلن تجر بالناس حتى الهتاريــــــــش=وصاروا اهل مزرعه ودكان وقــــــراش
ومن صارعنده مال وبيده عرابـيـــش=حبـوه كـل الناس لو كـان حشــــــــــــاش
ولوهو رزيل وسمط رجل تقل خيـــش=يصـدق كلامـه لا تكـلم وهـو مــــــــــاش
ولا الكريم الشهم من فطر الريــــــش=اللي يكـرم الضـيف لا جاه طـــــــــــراش
قرم يشب النار بملفى المداغيـــــــش=الـى ادبرت دنيـاه سمـوه هــــــــــــــلاش
المال والـدرهم وزين المعاويـــــــش=اصبح بيدين العجز والخمع والــــــلاش
ما دام عندك مال وبيدك عراميـــــش=لو تخيـس المجلس على زل وفـــــراش
قالوا مسـامح عمنا فيه تطريــــــــش=راع الدراهم عـم لوكـان غـشـــــــــاش
يوم الشنب بالوجه يفتل على ويــــش=ماهوب لكـل الرز أولبس الأقمــــــــاش
يفتل اليا جـن الركايب معاطيـــــــــش=وجلبت عصي المرجله يشـريه كــــاش
يعـل رجـل مـا براسه نغـاميــــــــــش=يعـل تبكـيه الحـليـله وتنحـــــــــــــــــاش
لا صار ما به خير والطيب مافيــــش=ماغير يجـمع مال والصيت مهنـــــــاش
عنده ملايين القضـا ميـر حتـيـــــــش=ياكل ويشـرب والهـدف بس يعـتـــــــاش
ماهـوب لا يقنص ولا لـه مطـاريــش=مـا هـمه الا عيشته مثل الأدبـــــــــــاش
يعـل تلدغـه البثن حية الحـيـــــــــش=واللي فلا يداوى بها السم لا غـــــــــاش
الكلب عايش والنمل والخـفافيـــــش=ماهـو كثير الكل بدنياه معتــــــــــــــــاش
مير الحكي لا جأ المحطات تشويــش=يبين فعـل الطـيب بعايش وعيــــــــــــاش
وتمت وصلى الله على صـفوة قـريش=على النبي ما تبصر العين برمــــــــــاش
[/poet]