عتيبه ملوك الشعر واحق بالمليون...الف مبروك

[سعد بن مطلق المقاطي]

[QUOTE=عيضه الثبيتي;314031]الف الف مبروك تاهل يوسف العتيبي ولا املك الا هذه الابيات مهداه
ليوسف العتيبي وجمهوره من قبيلة عتيبه والقبايل الاخرى...

ولا ياعتيبه عيّدوا عيدكم مممنون=وزفّوا لابن رزّاق مليون عيديه
ومليون تسليمه على الشاعر الدندون=ومليون ترحيبه ومليون ردّيه
أبارك لربعي كلّها والصعاب تهون=ويقعد بها (تركي وغسان ووخيه)
وابو(صفر)قدره(صفر)بهناك ولا هون=وحنّا رجال الطاله هناك وهنيّه
عتيبه عصاء موسى وانكبتك يافرعون!!=تفرعنت لين أن العصاء عوّدت حيّه!!
عتيبه هل الفزعه لا جات اللزوم يجون=رجالاً تدوس الموت لا كبرت الهيّه
عتيبه وبإذن الله ترى نصرهم مضمون=مثل نصرنا المبروك(يوم الرشاويّه)
عتيبه جبال الها حيود وحجا وركون=ترانا عتيبه والمواقف عتيبّه
وياحيّ من برقا على جنبه يقومون=وياحيّ من ينخى بني روق ياحيّه
لو أنّك نخيت الشايب اللّي على الحاجون=يفز الك لو رجله من الوقت مثنيّه
وحنّا هل (أبشر)لا ظهر حرف من(تفكون)=سبقنا طلوع (النون) يادافع السيّه!!
ترى أرواحنا من دون ميقافنا عربون=وهذي على العتبان حاجه طبيعيه
وحنّا هل العلياء ماحنّا من اللي دون=مابين الكواكب والنجوم السماويه
ولن جات للتصويت بالهاتف المشحون=شحنّا القلوب اخلاص ووجوب وحميّه
نبى نقفّل النسبه..نبى نصفّر الطبلون=ونبى نأخذ المليون غصبى وجبريّه
لإنا ملوك الشعر يالجنة المليون=ولا اخذتوا من الشعر(1%) واحد من الميّه
غبينه لا صار الصاحي يقيمه مجنون=فضيحه لا صار العاقل يرشّده عيّه
من الخبث ماينظفكم الماء ولا الصابون=غدرتوا بيوسف كلكم يالحراميّه
ولا عندكم شيمه ولا عندكم قانون=وربي فضحكم قالقناه الفضائيّه
نفختوا قليل المعرفه نفخة البالون=وجحدتوا وسيع المعرفه يالحسوديّه
جلسّتوا محل النابغه مير مامن لون=ويابعد مبدا الشمس عن داجي الفيّه!!
وتقييمكم ماعاد نبغاه مشكورون=مادامت حميتنا على الساس مبنيّه
نبى نكوي الحسّاد من جمرة الغليون=ونضحك جميع ونلحق الكيّه الكيّه
ماحنّا فقارى يوم نبحث عن المليون=ترانا على طول الليالي غناويّه
لكنا ملوك الشعر واحق بالمليون=ونبي نأخذ المليون غصبى وجبريّه

وسلامتكم



والوعد قدام ياعتيبه ......


عيضه الثبيتي[/QUOTE]صح لسانك ياسنايدي وفيت وكفيت يابن عمي
ويستاهلون اللجنه الظالمه
جلستوا محل النابغه مير مامن لون
كلام ذهب
تحيتي

التوقيع

ديــــــــــــــــواني