خلو المستحيل يصير لو ما يصير

[فارس @عتيبه]

هذه القصيدة مشاركة من احد ابناء قبيلة عتيبة فيما فعلوه من امجاد من ماضي الزمان ومالهم منهيبة بين القبايل والتي فرضت سيطرتها على الجزيرة العربية وما ذكر فهو قليل من كثير ( مناصرة للشاعر يوسف العصيمي ( العتيبي) )

اخوكم : سلطان بن منير السميري العتيبي


يالله انـــك تقــــدرني علـــى كل خير = ياكريمٍ تحت رحمـــــتك كل البــــشر

الســـوالف لهـــا بالصــدر شـيٍ كثير = لو تعــذرت عنــــها مايفــــيد العـــــذر

خـــلد الـــمجد للتاريـــــخ شــيٍ كبير = ما تشيله جــــبال ولا يشيله بــــحر

سـيرة عتيبة اللي يحــــمكون الشوير = من قديم العصور ومن جــديد العصر

ربعي عتـــيبة اللي لا لفاهـــم نـــذير = مايزعزع مواقفـهم نـــــذير الخــطر

محتمين الـــتوالي في النـهار العسير = كاسرين الاعادي عن طمـعهم كــسر

ربعي اللي مثل ضـرب الخيال الغزير = فالملاقى على العدوان مــــوتٍ حمـر

مخلفين الهقاوي يوم حــــــد الشطير = كم من راس شيخٍ راح دمــه هـــدر

كاسبين الفــــــعايل طـــيب والا بغير = ماربــح من بغــاهم بشره بالكــــدر

ما تواخو ليا جاهــــم عـــــــدوٍ مغير = فرقوا جمعــهم والحـي جـاب الخـبر

يوم ضرب الرماح ويوم ركب المسير = باعو ارواحــهم مــا يحسبون العـمر

رميهم مايخيب وشرهـــــــم مستطير = مايوقع سهمــهم غير وســط النــحر

من سلم من وفاتـه راح عظمه كسير = غير من راح فيه من الصواب القشر

فزعةٍ من طمع فيهم يــــــعود كسير = ماتجــيله علــى كيفه وعــنها قصـر

يوم شبت سناها والرحــــى يستدير = يارودن المنايا ماش خـــوف وحـذر

حولو وسط نجد ولعــــــــوها سعير = طوعــو كل عـــايل لين منها ظـــهر

خلو المستحيل يصير لــو مــا يصير = واعتلو عالــي القمه وصــارت مــقر

احتموها ولا فيها طليب وخشير = وشــامت الدار للـــي كاسبين الفــخر

دايمٍ في الطليعه ما يجون الاخير = هيبــة عتيبــه الهــــيلا تشق الحـجر

ماذكرته قليل وفعل ربعي كثير = مايحصــره كلام ولا يحصره شـــــعر[/poem]