دامك عتيبي وش تبي بالبقية

[صخر الهيلا]

مــا عــادني حــي ولا عــادني ميـــت =مــن عقـب مــــا للقلـــــب روح خـــوية
كيـف انت ياللي رحـــت عنـــا تخلـــيت = ادريبـــها روحـــتــــك عنـــي قـــــــوية
ميــر انتبـة بنصحك لامـــن تشكـــويت =بنصـــــحك وللـرفقة فـــــروض علـــية
الديــن دينــك تمســكة حيـن صلـــيت = وآيــات ربــك بيـــــــن فجــــر وضحـــية
والصـبر صبـرك وان غــدن المفـــاويت=كـــلــش مقـــــدر عــنــد رب البــــــرية
ولا البخــل ياخـــوك درب الطـواغـــيت=يـــخلــــي حـــلالــة عقب مــلفا المنية
اطنخ وخــل العمـر كلــة مــكاشـــيت=البــــــر عاشــــق والعــــذارى المطـية
ليــا جــاك طرقيــا ثـم قلـــت حيـــيت =سوالــــف وقــــهوتــن علـــى نــار حية
لا غيبة تذكـــر ولا قـــال ابــا الفــــيت =وقــــمت وذبـــحتلـــك شاتـــن رعيــــة
والربع عزموا من بعدهم تعشـــــــيت=وسكــــر علــــى الشاهي تزيدة شوية
طقــة بلـــوت وكـل مـن فيــة فتــيت =هذا معة خمسين ومعـــك انــت مــيــة
واللى سرى يم ابلة ولي على البيت =وارقــــد وصـــل الفــــجر بنــفس زكــية
والنــــاس اشــكالا لــها مـا تناسيــت =اخـــتر خــــوي مــثــل شـــــرواك زيــة
وزد قيل مايخلـط من المــاء والـــزيت=واصـــابـع الـــيديــن مــاهــي ســـــوية
وبربعك العتــبان علــق بــها الصيــت =دامــــك عتيـــــبي وش تــبــي بـالـبقية
هــذي شهــادة حق وانـا لها ادليــت =قـــــوم قـــــروم مـنـزحـــة كـــل عـــية
شيــوخ الرجــال منوخـت كل عفريت =اهــــل الشجــــاعــة والـــكرم والحمـية
ولـو امــدح العتــبان واللة ماأوفيـــت =مـــن شـــرق نجـــد اليــا حــدود الحـوية

صح لسااااااااااانك لين ترضى

وعلى شااانك قصيدة