فركت خشوم الرخوم اللي علئ باليه

[شعيل الزلامي]

القصيده تم التعديل عليها حيث كتبت وفيها اخطا املائيه
وبيوت ناقصه والقصيده كما هي كالتالي:


فركت خشوم الرخوم

ياليت والله يصير سباق بين الرجال=في حاجتينه ولا يتلى لهن تاليه
منازلا بالكرم ومنازلا بالقتال =وجه لوجه ورجال لرجاليه
والله ماعاد تسمع للمفاخر مجال =اللى تعدى الحدود بوقتنا الحاليه
وتقل كلمة رجل ماعادضني تقال=ولتشوف بعض الديار من اهلها خاليه
المرجله ماهي البس بشت والبس عقال=والا معك موتر طيب وجواليه
المرجله جود بالثنتين مال وحال=واللي يشح بحلاله شح بالحاليه
هذا الكلام الصحيح اللي ماحوله جدال=وهذا هواللي يفرق بين الازواليه
واليوم في نعمه من الله ولكن يقال=تساوت الروس فيها هي والاذياليه
اللي منول مع الاجواد روح وتعال = اليوم صارو شيوخ ورؤسهم عاليه
صار الجمل فيه كالناقه وهي كالجمال =شوفي بعيني ماهيب اقوال من قاليه
ولا اقول انا كامل الاوصاف راع الكمال=الكامل الله وخلق الله هي الباليه
ولاقلتها قصدي الشهره ولا جمع مال=ولو البشر يعشقون الصيت والماليه
لكن شي في صدري ماعليه احتمال= فركت خشوم الرخوم اللي على باليه
اللي ليا شافو الاحرار جاهم هبال=ويصيبهم علة تقول سلاليه
اهل العلوم المليحه ناقصين الفعال=قلوبهم سودلو اقوالهم حاليه
الله يعز الحكم والدين طول الليال =اللي حما هالوجيه اللي على باليه