الشاعر خالد العتيبي خسر

[فزاع^عتابه]

والله مدري وشبقول بس انا مغبون غبن
لان كل ما اطالع التصويت ما يكون فيه تصويت قوي لشاعر خالد العتيبي
واذا استمرينا كذا خالد بيطيح خالد بيطيح خالد بيطيح ويا قو طيحته علينا لان كل التصويت على نزهان الشمري وراشد البلوي
تكفون تكفووون تكفوووون يا هل العوجا تكفون يا الهيلا تكفووون خالد لا يطيح

[العود حبيب]

انت مغبون ان خالد ما راح يتأهل.. والا مغبون ان عجب في السجن تحت رحمة السياف..؟

دعمي راح يكون لـ عجب فقط.. فك الله كربته..

[سلطان زمانه]

وانا عندي احساس ان خالد بيطلع من البرنامج بكره

اللي الحين بفلوس بكره ببلاش

اصلا ماله داعي يشارك في البرنامج من الاول ..

واطالب شعارنا بالانسحاب من البرنامج الفاشل

سلاااااااااام

[الشامخ.العتيبي]

برنامج مادي وفاشل بكل المقاييس

تمنيت ما أحد من شعراء الهيلا يشارك



يقول المثل ( إن لم تستحي افعل ماشئت ) وهذا المثل ينطبق على اللجنة الفاشلة
والله يا أخوان جلس حمد السعيد وتركي المريخي وبقية العصابة اللي معهم يلعبونها صح من أجل جلب أكبر عدد من رسائل التصويت

يعني أنتم من صدقكم تفكرون هاللجنة تبي تخلي أحد من شعراء الهيلا يأخذ البيرق

أحلف لكم باللي تبون لو يشارك بالمسابقة خلف بن هذال ومستور العصيمي وملفي المورقي وحبيب العازمي ماتشوفون البيرق واللجنة هذي موجودة

البيرق ماراح يطلع من قطر ولو طلع من قطر بياخذه شاعر باكستاني

[فيصل الذيابي]

يلعن ام اتحطيم كسرو مجاديفه
خخخخخخخخخخخخخخخخخ
افا ياعتيبه صوت وبس

[سلطان زمانه]

المشاركة الأصلية كتبت بواسطة فيصل الذيابي

يلعن ام اتحطيم كسرو مجاديفه
خخخخخخخخخخخخخخخخخ
افا ياعتيبه صوت وبس

والله يالامير الدعوه مهي تحطيم ..

حنا عتيبه معروفين اب عن جد بالحميه والفزعه ..

بس البرنامج نصب في نصب والله عطانا عقول نفكر بها ..

اما اني اصوت عشان اصرف على اللجنه الفاشله .. وفي الاخير

الامارات ترفع رواتب موظفينها من تصويتنا .. لا معصي ههههه

يخوي ولد عمنا في السجن والسيف ينتظره والشباب هنا يبون

يصوتون لبرنامج وفي الاخير بينضحك عليهم ...؟؟؟

حرام بالله ما يفوز باللقب شاعر عتيبي لو مدري وش يصير

سلاااام

[فزاع^عتابه]

كلام جميل يا اخواني لاكن انتم تقولون ليه دخل البرنامج وانا بقولك لو كل واحد قال فينا ليه وليه كان ليه السيف على راس عجب
ليه هذي مهي لنا بس الاكيد ان الفاس طاح با الراس
وانا متفق معكم بأن با الدرجه الاولى عجب بس بعد في الدرجه الثانيه خالد العتيبي مو لشخصه للرسول اولا وثانيا للقبيله
اقول لا تفضحونا في الدنمرك
خالد لا يطيح والله ان طاح ان كل واحد فيكم ما صوت انه ليندم

[سلطان زمانه]

المشاركة الأصلية كتبت بواسطة فزاع^عتابه

اقول لا تفضحونا في الدنمرك
خالد لا يطيح والله ان طاح ان كل واحد فيكم ما صوت انه ليندم

هههههههههههههههههههههههههههه
هههههههههههههههههههههههههههه
هههههههههههههههههههههههههههه

سلاااااااااااااااااااام

[اااااالدغيلبي]

خالد العتيبي راجع انشاء الله

[العتيبي المغترب]

الله يهديك فزاع عتابه الدعوى بسيطه وإذا طلع خالد وش المشكله وترى العتبان مواقفهم ماتكون بالاستغلال الواضح من البرناج هذا قبله يوسف صوتوا جميع عتابه عشانه وبالاخر فنشوووه عجب اهم مليووووووون مررررررره وخالد شاعرنا وعلى العين والرأس بس فزعتنا على أي اساس عشان ضحك على الدقووون وبالاخر ولاشي خلاص تطعمنا من البرنامج وبدري عليهم يضحكوووون علينا خالد شاعر ونتمى بلا شك فوووزه ويستاهل والله يوفقه ...

تقبل تحياتي ,,,,,,