السهول وشريف مكه

[مهنا البرازي]

بيض الله وجهك باالمطنوخ على القصه والقصيده عن الاد قبان وازيدك القصيده التاليه لواحد من فريس القبابنه اللي خاضو المعركه مع الشريف

أنا من اللي يشربون الوغى شـرب=ويردون حيضان الوغى لو عيافـي
ربعي بني قبان في موقـف الكـرب=لاجاء نهـارٍ فيـه تقطـع وتافـي
مخيلةٍ ساق الهـواء نوّهـا غـرب=وتحـدرت براقهـا لـه إرهـافـي
سحابها مـن خيّلـه يلبطـه زرب =نصوبهـا كـدرات ماهـي نظافـي
براقها الهندي يبشر على الحـرب=ورعادها البـارود جالـه إقصافـي
هلت مطرها يفعل الكرب والضـرب=ماها صرى ما ينشرب يـا مكافـي
وتلاحقت الأشعاب من سيلها الورب=منّـه مناعيـر النشامـى تخافـي
غثاه جثي الزنايـج علـى الـدرب=جروم الرجال مـوردة كـل هافـي
مصري بضلعه صار للمعركة جرب=بضلع الغويبـة زاد فينـا التلافـي
لا اْنهار طابور نشى في آخره سرب=تكشف ضغاينهـا للأنـواء ترافـي
متناوخين ليـن فانوسهـم خـرب=أقفوا علـى قـبٍ عرايـا عجافـي
حنـا ملكناهـا بحـدبٍ لهـا زرب=يومٍ الألحي عـوج فـوق الكتافـي