علي فلاح العضياني
فالبدايه هلا يا مرحبا بالحروب=بالنيابه عن العتبان نبدابها
انت شاعر و عن حرب العزيزه تنوب=واللحى تحتميها هيبة اشنابها
عبدالله الحربي
البقا فيك يا راع الوفا والوجوب =يا رجال ما تجحد وقفة اصحابها
سرها يا العتيبي واختر اي الدروب =شب نارك وعز النار شبابها
علي فلاح العضياني
واجب الضيف عند الطيّبين محسوب=نكرم الطيّبين و نحسب حسابها
حاول انّك تحصّل فالسفينه ركوب=سجّل اسمك بنفسك بين ركّابها
عبدالله الحربي
تعرف الشمس تشرق ثم يجيها الغروب=بس ليله وتطلع والله ادرى بها
الســفـيـنه مـا تـدري لـو تهب الـهبوب= والعرب لجلها لا تحرق اعصابها
علي فلاح العضياني
انت طرقي ودوب انّا لقيناك دوب=ودّي إنّ العوارف تكسب إعجابها
الدراسه نهايتها نجاح أو رسوب=وانته ... المدرسه خشّيت مع بابها
عبدالله الحربي
ان دحمنا دحمنا في قوي الجنوب= والا نبعد عن الشجره وعن دابها
و المزارع على الساقي بذره له حبوب= في رجا الله لكنه يطرد اسابها
علي فلاح العضياني
لا تجيك الذياب الشهب من كل صوب=عانها فالجبال تحدّد انيابها
علمها عند من يعلم بما فالقلوب=الثمينه تبيّض وجه من جابها
عبدالله الحربي
الذيابه من البارود شفها هروب= ضيعت دربها من حر ما صابها
يا العتيبي لبسنا للمواقيف ثوب= وانت تدري عن العربان وثيابها
علي فلاح العضياني
والله انا ما نبغى فيك نكسب ذنوب=الحريقه لا تلحق راس مشهابها
نعم يا حرب في وقت اللقا والحروب=مار حنّا على العربان فزنا بها
صحة السنتكم محاوره جميله
« آخـــر الـــمـــشـــاركــــات »
08-Mar-2008, 07:04 PM
العرض الشجري