أخوي منصور ابن فهيد ،، الاحتجاجات ماصارت علشان ناصر الفراعنة بس ، الاحتجاجات كانت بسبب الظلم اللي تعرض له الشعراء السعوديين من بداية المسابقة،، من الحلقة الي انظلم فيها الشاعر الهاب الحربي والشاعر محمد الحويماني العتيبي ، اللي طلعوا من الجولة الأولى واختاروا بدل منهم الشاعرة هلالة الحمداني!واستمرينا في الاعتراض بعد الظلم اللي تعرض له الشاعر خلف المشعان العنزي وبعدها لما انظلم الشاعر خالد العتيبي ومهدي آل حيدر ، وبعدهم جا الظلم على هلال المطيري وفالح الدهمان وبعدهم انظلم بدر الخالدي وعبدالله السميري... لكن الجولة الأخيرة هي القشة التي قصمت ظهر البعير لأن كان كل شاعر ينظلم نحط الأمل في باقي الشعراء الباقيين ، لكن الجولة الأخيرة قضت على حلم كل شخص سعودي!!
واذا بغيت الصراحة اخوي ،، ترى اللي صار لنا واللي يصير واللي بيصير لنا كله بسبب العصبية القبلية اللي فينا ... صارت القبيلة عندنا اهم من الوطن!
القطريين لما وقفوا مع الشبرمي ماهتموا لأي قبيلة ينتمي ، كان المري القطري والقحطاني القطري والعنزي القطري كلهم مع ولد بلدهم ، وماهتموا في ابناء قبائلهم من الدول الثانية..
عموما أنا اتمنى ان مانشوف هالبرنامج مرة ثانية في بلدنا ، وانشالله مانشوف ولاسعودي في هالبرنامج سواء كان شاعر أم عضو لجنة تحكيم أم مصوت!!
والسلام عليكم...
الوطن أولا ،، والقبيلة ثانيا...
« آخـــر الـــمـــشـــاركــــات »
10-Apr-2008, 08:35 PM
العرض الشجري