تشهد لنا قحطان مع حرب ومطير=ويشهد لنا شرق الجزيره وشامه
ويشهد لنا التاريخ قول وتحريـر=بروايـة تـروى ليـوم القيامـه
أمدح بني عمي وأصوغ التصاوير=ومدحة بني عمي عليـه الزامـه
وكان الشعر ما جا فيهم قناطيـر=والله لتوب اليوم وأعلن حرامـه
وختامها تقدير.. تقدير.. تقديـر=وكل"ن" على ماقيل اله احترامـه
عايض زوير المقاطي
صح لسانك وبيض الله وجهك على كل حرف
وأنا أشهد أنك سنافي ونعم فيك وفالمقطة وعتيبة كلها
والله أن مطير وقحطان وحرب وكل القبايل يشهدون على طيبكم
وفعايلكم ولا ينكر فعولكم كود الرخمة
وأنا أهدي هذة البيتين لكل من يتطاول على القبايل ويهضم حقهم
وهي لوالدي الشاعر:معزي الشلاحي
مايجحد اهل الطيب كود الردييـن=ولا يجحد المعروف كود البهيمـه
ولا يظلم الاجواد كود الشياطيـن=والهرج ذمه ويل راعي الظليمـه
« آخـــر الـــمـــشـــاركــــات »
26-Apr-2008, 05:00 AM
العرض الشجري