يا ذيب لا تعوي

[الطير]

يقول اللي عليه فسبكة ابيات القصيد اسلوب = عقب ما جر له (ونه) و (ونه) فوق مرقابي
وجاوب بالعوى ذيب ن عواله من على شاذوب = الا يا ذيب لا تعوي عواك يثور اعصابي
انا يا ذيب بي جرحٍ عميق و فالحشى لاهوب = صويب وعزتي للي بسهم احباب منصابي
انا يا ذيب مصيوبٍ وقلبي صوبه محبوب = عليه طول الصده و انا يا ذيب مرتابي
اخاف انه نسى يا ذيب منهو يوفي الماجوب = يحقق رغبته لو كان يمشي درب الاتعابي
و اخاف انه نسى يا ذيب منهو في هواه يذوب = وهو صلبٍ قوي الباس يضد رجالٍ صلابي
كتبت اله مكاتيبٍ وروح يمهم مندوب = ولا رد بجوابٍ منه عود يحمل كتابي
الا يا كيف يهنى لي لذيذ الزاد والمشروب = ويبرى جرحٍ بصدري عجز به طب الاطبابي
انا في وجه من سواه من راسه الى العرقوب = وحط السحر فعيونه وفرموشه والاهدابي
من القطعه!!! طواريها يزيدن الذنوب ذنوب = ويبقى وسمها فالقلب كنه (طلق شبابي)
وانا يا ذيب ما صوت لك (يا ذيييب انا مصيوب) = يا كود ابغى تكف عواك!!!عواك يثور اعصابي

ابومتعب صح لسانك ياذيب

قصيده جزله من شاعر جزل في المعنى وفي كل شي



يالباااااااااااااااه يابومتعب