كنز الكلام

[فهيد مقعد الرويس]

كم واحدٍ عقب الهنا صار منكوب=والمعتبر يعرف خطاه وصوابه
خلك مع اهل الطيب طيب ومحبوب=خل القشر ما فالمشاكل ذرابه
لاتحسب ان ماخلق في غيرك جنوب=ولافيه غيرك له عزاوي ولابه
الناس تجمعهم وتفرقهم ادروب=والطيب دربٍ رابحٍ من مشابه
كلٍ معه بالهرج تعبير واسلوب=مير البلا بعض النوايا تشابه
دار الزلل وحذر من الهرج مقلوب=ان لم تكن ذيبٍ كلتك الذيابه
هذا شروق الشمس والتالي اغروب=اليوم واللي عقب مامن غرابه
قل للذي قد صار له بطن وثروب=الوقت مثل الداب سمه بنابه
الاوله منا سلاطين وشعوب=والثانيه كلٍ يسلم كتابه

لافوض فوك

على هالدرر يابومحمد

صح السانك

قصيدة تستحق التمجيد امتازة بالقوة والجزاله والعذوبه

تقبل اطيب تحيه