بعيـد الـدار
سلام يارجل من الايام ماطي و مهموم=دنياه دايم كل مايبرى تجدد كيته..؟
مسكين يامقعد عيونه كل ليله للنجوم=أدغيلبي حلمه ينوش سهيل شبر ! أيديته..؟
مقعد الدغيلبي
يامرحبا واهلا هلا باللي يبي فرك الخشوم=ماعاد يملك سلطنه لو يعتزي بوخيته
انا عيوني للسما وانته عيونك للكموم=الله والا ضعيفٍ سواتك دوم ناره ميته
بعيـد الـدار
أما أنت حاكم للعرب وتقدرك فرسٍ و روم=بعض العرب لو مات ماتفقده غير أمويته
صدقت عينك للسماء ومروعك حر يحوم=مير الحرار الشقر ماتنزل على حنديته
مقعد الدغيلبي
يابعيد شوم اعن العلوم الناقصه يابعيد شوم=وصاك عودك يابعيد ولاحفضت وصيته
غيّبت عنا لك شهر واليوم جيت بفص ثوم=مبينه داخل عيونه والعلوم مبيته
بعيـد الـدار
تبغا توصي لك رجال أحشام رح وص الرخوم=شذابت العرقوب والجاهل ماعز ألحيته..!!
غيبت عنكم لي شهر واليوم مع باب القدوم=حضرت لداعي على دعواه أبكشف نيته..؟؟
مقعد الدغيلبي
انا ماوصي غيركم مابين ليل وبين يوم=ابعيد وضعه منكشف لو هو يغير هيته
مهما تكثر فالبرابر مانت خلااااق معدوم=اثرك سوات اللي حرث عن موتته ومنيته
بعيـد الـدار
ياناس قولوا للبعوضه لا تطيح ولا تقوم=تركب على راس الجبل ولا تجي في فيته
شيٍ طبيعي لو ركبتة شناضيف الرجوم=وايضا طبيعي لو تبرى من بلاها وسيته
« آخـــر الـــمـــشـــاركــــات »
09-Jun-2008, 11:17 AM
العرض الشجري