سلطان الجـذع
ابتدى ليل المعاني والسعد هبت هبوبه = يالسماري مال عيني عنك لده يالسماري
انت لو بن ربعان يلبسك بشته وثوبه = راحت الدنيا على الروقة كبر عين البخاري
السميــــــري
الجذع ياناس تاال الوقت كاثرةٍ ذنوبه = أشغل العربان دايم مايشيل إلا العجاري ..!
مايحكم الناس غير اللي يعاقبهم عقوبه = هكذا الحجاج والحر مخلبه فوق الحباري
سلطان الجـذع
كل رجالٍ يوجب ياولد روق بوجوبه = وللسنافي عندنا تقدير لو انه مطاري
انتفخ كوبان يالاجواد حتى جاب كوبه = انتبه قدام لا اقولك دوّر عم غاري
السميــــــري
مار بعض الناس مايدري نجاحه من رسوبه = يكرم المرء ويهان إن جا نهار الأختباري
والله أنا مكرمينه لين كبرنا جنوبه = كنت اعلمه الرمي والحين جاني بالسواري ..!
سلطان الجـذع
من يوردها على عد الورى يملا غروبه =يالسميري لاتسلح بالحلوم وبالهذاري
قد بنيتك مثل بني البيت طوبه فوق طوبه =واكتشفت انك تعاني من مرض ماهو بباري
السميــــــري
مدري أنت أتحب حر الصيف في وسط الرطوبه = ولا ودك بالبراد اللي تنسنسه الذواري ؟
ليت عيــّاب العرب يبحث على نفسه عيوبه = كان ماقال أنني في الطب دكتور استشاري
سلطان الجـذع
لاتبيح السد وانا اخوك دوب الليل دوبه =قد نصحتك وانت ماعندك من الشيطان طاري
انت لو تغلط ترى غلطتك ماهي بمحسوبه =ماتعديت الجهل للحين كانك ماانت داري
« آخـــر الـــمـــشـــاركــــات »
09-Jun-2008, 11:35 PM
العرض الشجري