يا مرحبا بالجميع .
قـادح شــرار
سـلام تسليمـة تشابـه للجواهـر والنـقـود = من هاجس ٍ جاه الطرب.. ولا الطرب له محتوي
عيّنت سلطـان الجـذع يـوم ٍ بركلـه قعـود = وشد الحملولة ...ثم سرّى فالطريق المستـوي
الأسطــوره
يامرحبا بك عد مارف العلـم فـوق العمـود = من هاجسٍ مختص فالابـداع والبيـت القـوي
قعـودٍ أقشـر يالثبيتـي لارمـوح ولاهبـود = رما به الحظ الردي ... والذيب من عصر يعوي
قـادح شــرار
ماهو بعير ٍ مير أظنه يالجذع ... ناقه ولـود = وجمّالها ضاوي وناوي شر يالصاحب نـوي
أنا أشهد إنك شاوي ٍ راسه وقلقلت الكبـود = يا طيبها يوم إنضجت ..يا طيبها وقت الشوي
الأسطــوره
لاوالله الا شكلها ماهـي ولـود ولاودود = يعني ماهي حظ السعد لاجات فمراح بدوي
لكن حاسـب يالغليّـم لاتبيّـح بالسـدود = أطو السراير في ضميرك يابعد حالي طوّي
قـادح شــرار
يكفي مديح ..إفطن لسيل ٍ فاض من كل السدود = يا جعله الليلة يسيـل وكـل ضامـي يرتـوي
في ماضي الأيام يا سلطـان عديّـت الحـدود = لكنـك الليلـة بلشـت وجـاك درب ٍ ملتـوي
الأسطــوره
تقولها واقول لك ماني على الضيق محدود = عزالله اني مامشيت الا مع الدرب السوي
الحكم لله يالغّليـم ثـم لعيـال السعـود = أزبن عليهم كان جتك هموم دنياك سروّي
قـادح شــرار
المزن خيّل فوق راسك وأنت تسمع فالرعود = وحرام ما تسري... بعد بالميسم تذوق الكوي
خابرك لا ذقت الكوي من بعدها تركد ركـود = ونهاية المشوار أنا أعدك صديق ولي خوي
« آخـــر الـــمـــشـــاركــــات »
31-Jul-2008, 02:02 PM
العرض المتطور
