ياهل النفوس المرهفـات االعفايـف=ويقوا معي من عاليات المشاريـف
مني مع الغربـي نصاكـم طرايـف=توضي مثل برق النصوب المراديـف
فيهن من المسحوب يوجد وصايـف=ماسولفوا فيهن خطـات الملاقيـف
من فرق ذوق الطرق جاكم ولايـف=محيلات احـرار ضمـر سراجيـف
احمولهن جتكـم عليهـن خفايـف=في لونها بيـض الثيـاب المالقيـف
مادرهمن باهل النفـوس الضعايـف=لهن على نجـد المسمـى مناكيـف
على شذى الياقوت جاكـم عسايـف=توصف على شرد البكار المشاعيف
هجـن ملـط مافوقهنـه راديــف=من نجد ممساهن على شاطي السيف
يـادار زايـد يـوم جنـك صلايـف=مثل القرانيس الحـرار الشواحيـف
بالمسك والعنبـر عليهـن قطايـف=من ذوقهن بيض المحاني ملاهيـف
معشوقهن راس الطويـل المهايـف=والشيخ بن زايد لهن منـه تعريـف
دايم وسيع العرف للعـرف حايـف=عساه يدعيهن مثل داعـي الضيـف
طلعه مـن العنبـر يلـم الوصايـف=واللا المهار اللي تسمـى معاسيـف
ركاب عوص ملاعبـات السفايـف=من الذهب يمـلا كبـار المغاريـف
معشوق زيـن معسـلات الشفايـف=المترفـات الذابـحـات الموالـيـف
ومن لاصدق قي القول ماقال زايـف=عسى يصيبه من زمانـه تخاليـف
وياهل النفوس المرهفـات العفايـف=ويقوا معي من عاليات المشاريـف
صح لسانك
وبالتوفيق ان شاء الله
« آخـــر الـــمـــشـــاركــــات »
العرض الشجري