يستاهل الطيب ان يشاد به
بقصيده او بنثر
والشيخ المريبض علمه غانم وعساه على القوه
وهو رجل كرم وبذل ونخوه ودعم كالشمس لقبيلته ..
ومشكور على هالقصيده المعبره
لكن مسمى حاتم عتيبه فهو لقب اطلقه مثقفي وشعراء وكتاب عتيبه على صفحات الهيلا على الشيخ عبد العزيز بن جامع رحمه الله
وذلك تتويجا لكرمه المتواصل والذي تجلى في مزاين الهيلا بمئة متن من الابل ومثليها من الضأن عشاء لعتيبه
والقصيده للشاعر عوجان العطاوي :-
انا لقيت الرجل مع خيره ارجال= دخيل الله المريبض سند من هقابه
قصره كبير ومجلسه يشعل اشعال= في صالته تلقى الكرم في جنابه
في مجلسه تلقى الوناسه وسعة بال=مهوب متغطرس ولحد درابه
رجل كريم وافي مابه اجدال= معروف بالفزعه وكل سعابه
شاعر مثقف حايز كل الاشكال= معرب الجدين يقدح مها به
وعنده عيال حاضرين كالاشبال= يمشون مشيه يركضون بجوابه
معربين من بني عم واخوال= يجنبهم النادر فهد بالقرابه
فهد الرويس اللي للاحمال شيال= رجل شجيع وضاري بالنجابه
ويابو بدر تذكر ليا عال عيال= معدنك اصيل وثابت في كتابه
والشيخ مثلك جعل تفداه الانذاااااال=يوم غيرك منهجه صك بابه
القصر عالي والسواري لها ضلال= لمن جاك من اقصى الدار والا قرابه
ومن جاك تقضي لازمه دق واجلال=هرج وكاد ولا يضيع بسرابه
رجل كريم ولاتحسب للاموال=ماهو مسكين يكسر حسابه
دلال صفر مع زعفران بفنجال= على وقود دايم ماطفابه
انشوفها مسطورة كانها ارتال= يشهد بها القاصي مع اللي حكا به
والحر مثلك مايحسب للاثقال= مثل الجبل عسر على من رقابه
وماهي غريبه منك يانسل الابطال= ضار على الشادات وقت الحرابه
ابوك قبلك كان رمزا للاجيال= وانت سوات النهر صفوا شرابه
لاوالذي نزل تبارك والاتفال=اني لسجل موقفك في صلابه
وصلاة ربي عد ماخيل اخيال=على النبي الهاشمي والصحابه
« آخـــر الـــمـــشـــاركــــات »
05-Sep-2008, 10:13 PM
العرض المتطور
