دليم الطر -- أبرق الجلبة -- عزوة المزحمية !!

[راعي الحرشا]

الفارس دليم الطر من ذوي محمد من المراشده من الروقه من عتيبه من ابرز رماة المراشده واشهرهم 0
قال في احدى معارك الشلاوى مع المراشده ولم يحضرها الا الفارس دليم الطر وبعض من جماعته:
يم أبرق الجلبه جرى لـى عشيـه لا واهنى اللى عن اسبابهـا غـاب

جانا على ابن هريس قـوم رويـه على النقا ماهو بسرق بالاصحـاب

جونـا وجيناهـم علـى مخبريـه وصار المصاحب بيننا غلط الأرقاب

وليـا اعتزينـا عـزوة المزحميـه نــادا مناديـهـم على الاد حـطـاب

ولياخـذوا شيـخ خذيـنـا لـديـه والبيض عقب الكون شقن الأجيـاب

وراحو ورحنـا كلنـا فـي سويـه الا الدبش يفديك يامـرذ الأطـلاب

وياليـت يـوم الله جلبهـم عليـه ان بندقـى مسلوبـه كنهـا الـداب

ماهى بجبعـا عـزرة فـي يديـه أرمى بها رمـى كثيـر ولاصـاب

وقال دليم الطر هذه القصيده وهي موجهه للشيخ مقبول بن هريس شيخ الشلاوى من بالحارث في زمانه بعد عدة معارك بينهم:
يابادعين القـاف انـا ويـش آباقـول اليـا بدعـت القـاف كــل يــرده
وان جيت اهاوي لى من البيض مجمول والـيـا ان قـدمـي واحــد زاد وده
وان جيت ابرمي بذنـي كـل ناجـول وان جيـت اسـد الريـع كـل يسـده
ياراكبـا مـن عندنـا كنسـن حـول مافوقهن الاالقرب والاشده
مثل النعام الربـد وان حـق لـه زول وليـا عطـا مـع عبلـه مجـرهـده
اسلم وسلم لى علـى الشيـخ مقبـول شيخ الشلاوى الـى ورا الظلـع قـده
تلقاه فـي بيـتٍ كثيـر بـه الضـول ومشيـدٍ كنـه علـى فــرغ جــده
والا كمـا عـد مـن البـدو مدهـول الـى قطـن وللـى بعـد فـى مهده
وحنـا شبابـه ناخـذ الفعـل بالـدول حـبـل يمـدونـه وحـبـل نــرده


وسوف نحاول ان شاء الله ايراد بعض من اشعار هذا الفارس حيث عرف عنه الشجاعه والاقدام0 وذلك في اقرب وقت ان شاء الله0