كبتن عتيبه
مرحبا باللي نهار العيد سوَّاله قصيده=مير مدري عقَّبت له فائده ولاّ خساره؟!!
أنت ياقادح شرار أسمك طلع (جمله مفيده)=والفعل قبل الأسم والنار تالع من شراه!!
قادح شرار
البقا يا شاعر ٍ تمشي على نهج العقيده = ليتهم حطوك من بعد الزلامي ..فالأماره
العجوز اللي معي يوم إنها سوّت عصيده = العرب ذمو تعبها .. وأهرجوا في كل حاره
كبتن عتيبه
كل واحد له شداد ..ويفعل الله مايريده=والبشوت بلاش..حظ اللي يحبّون الكباره!!
كان خاويت العجوز أكيد تطرحك بمكيده=ويمكن اتطّلعك فالصندوق..وهيه فالغماره!!
قادح شرار
كل واحد له شداد... ونظرتي دايم بعيده = والموذن ما يأذن غير من فوق المناره
كبتن عتيبه مربـّط .. يا جعل ينفك قيده = مير خايف بعدها يلذع .. وما يعرف دياره
كبتن عتيبه
لونزيد النار فوق النار ذوَّبنا الحديده=وانت تعرف كبتن العتبان يوم يشب ناره!!
أنتبه ياسايق الموتر كلامك لا تزيده=وانته لاذالحين ماحطيت رخصه وأستماره!!
قادح شرار
مالك ومال الهدف ..لن كان ما تقدر تصيده = ما تصيده من يمينه ... ولا تصيده من يساره
روح يالكبتن وخلك ... بين قحطان وعبيده = ديرتي ما أنته بمالك وسطها ... حتى عماره
« آخـــر الـــمـــشـــاركــــات »
23-Oct-2008, 02:08 PM
العرض المتطور
