سلطان الجذع
ياعيد تمشي ورى حمى الذرى نساع الازوار = طويت بر البلاد ...ومعترض قدمك بحرها
ماهي مقطعتك البحر الغزير ولا انت بحار = لكن سقها ... تعوّد صبح تأطا فوق اثرها
العازمي
كل الدروب العسيره ماغوتني سر وجهار= لكن لاتعترض قدمي ومامونٍ خطرها
بلاك عينك قريبه من ظلالك ليه ياجار = يوم العصى معي سلطان السعد قام وشقرها
سلطان الجذع
سمحه للا هيبة أهل الاولات طوال العمار = مايمتلي بطنها ضرمه ... ولا يسمن ظهرها
من عرض الادنين نعتبرك وألك حشمة ومقدار = لو أنك أحيان عينك مايقديها نظرها
العازمي
مامون معها من الميلات لو الوقت دوار = من دونك ودونها دمي المعاليق نهدرها
ميراد للحق هداج الروى ويصير مصدار = والا تبلّك مزون الوسم من ساقي مطرها
سلطان الجذع
ليتك تعدل بمشيّك لاتلف يمين ويسار = جانا خبرك انت فيه علوم ماجيت بخبرها
أثرك يالعازمي عاقل تحب اللعب بالنار = أقصر علومٍ حسب ماننظر أدنى ماقصرها
العازمي
اليا اعتبرتك فهيم وخافقك صندوق الاسرار = يمكن عليه مشاريهٍ تهيّض من ذكرها
لله درك ياعمار ابن ياسر ,,نار عمار= ماظن غير ابن ياسر واحدٍ ناره عمرها
سلطان الجذع
اليا اعتبرتك حكيم ومحترف في نظم الاشعار =ماهو بحق ..! المجله من يعاين في صورها ؟
يالعازمي بيّنه متعيّنه قدام الانظاااااااار = بعض العرب لو ندور سترها مالله سترها
العازمي
وحده بوحده وصاف العلم ياسلطان بيطار = والطيب تبقى علومه باسم رجاّال ذخرها
الارض قبضة يدينا والفضا يحتاج مسبار= يوم البحور الغزيره ماآ حدٍ يكره دررها
« آخـــر الـــمـــشـــاركــــات »
05-Nov-2008, 01:35 PM
العرض الشجري