وش إسمها ؟؟

[عبدالله بن طلال]

إهداء متواضع لعشاق القصائد الغزليه

صدفه بلا ميعاد مع كامل الزين = راعي الحلا اللي ماخلق له حليّا
قلت السلام ورد بمسلهم العين = ياوجد عيني من عيونه عليّا
انا اشهد انه صاب قلبي بسهمين = لا ميت(ن) منهن ولانيب حيّا
طلبت منه العطف واللطف واللين = واعطيه ما املك في حياتي وعيّا
اثر الترجي مهزله والجفا شين = ماكنت اظن يصير بي هالسويّا
ذليت له نفسي مذلة مسيكين = وطمعت فيه ومطمعي ماتهيّا
ياليت من يدري بعنوانها وين؟؟ = والا اسمها؟؟والا عربها من أيّا
ان شفتها والله لسوق الملايين = يفداه مالي بس اشوفه هنيّا
وجدي لو ان الوجد ماله براهين = ولو المناوي ماتجي بالحكيّا
وجود من حده نصيبه على دين = واستدخل الخمسين بحساب ميّا
نار(ن) بصدري تصطلي من هكالحين = لا قال ابيك ولا رفضني جفيّا
عليه قلبي نابت(ن) له جناحين = ويمه يتيه وفيه يزداد غيّا
بين الضلوع اليا رجف قالن آمين = تسعين رجفه كان ماهي شويا
اخفهن قوّ انفجار الثلاثين = اللي صلاة الظهر رج العليا
وحرام انا ما أنساه والاّ طرى لين = يطوى علي بداخل القبر طيا

[عفتان العتيبي]

°جزاك الله الف خير

[ابو محمد الدعجاني]

يا كثر اللي قلوبهم خظر صح السانك ولاهنت

[عبدالله بن طلال]

اخوي عفتـــــــــان

أسعدني مرورك وابهجني دعاؤك

لاعدمناك ياغالي

آخر تعديل عبدالله بن طلال يوم 22-Nov-2008 في 09:55 AM.

[عبدالله بن طلال]

إبن غـــــــــزاي


الله يكون في عونهم ههههههه

صح بدنك ياغالي.. سعدت بمرورك

[نايف الجازي]

صح لسانك واعتلا شانك

والله يجمعك بمن تحب بالحلال

قصيده فيها احساس وشعور صادق

تقبل مروري

[عبدالله بن طلال]

المشاركة الأصلية كتبت بواسطة نايف الجازي

صح لسانك واعتلا شانك

والله يجمعك بمن تحب بالحلال

قصيده فيها احساس وشعور صادق

تقبل مروري

أخوي/ نايـــــــــــف


صــح بدنك .. الله يحفظك

مشكور على الدعاء الأخوي وعلى شعورك المرهف

ولاشك انه أسعدني مرورك الله يسعد أيامك

[محمد الحمادي]

صــح إلسانك



قصيــده جميلـه كنـت أبحـث عنها ..

[عبدالله الجـــذع]

اثر الترجي مهزلـه والجفـا شيـن


شموخ بانكساار


اخوي ابوطلال قصيده رااائعه جدا
لااجد مايوصف مدى اعجابي بهاا

ولكن اقول صح فكرك ومخيلتك وماشاء الله عليك
وبانتظار جديدك


محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[>>>>ابــن حــشــر......]

صح لسانك ومشكور