العازمي
يالعطاوي معجب الليل مادونك ذرا = التفت للذيب ثم قرر اللي تفعله
خابرينك منت واقف على ريع الزرا = مار ياجمّال ليش الجمال مهمله
معجب العتيبي
مرحبا لو صاحبي ياجماعه مادرا=عن طريق الحق والحق محدٍ يجهله
المزاين راح والعازمي ليله سرا=يرقب اللي واجبه ياعرب ماكمله
العازمي
الهدف وصل الثرياء وعوّد للثرى = مار معجب يالله انك علينا تعقله
لو تعرف اللي بصدري يجافيك الكرى = عان سلطان الجذع علمنا مايجهله
معجب العتيبي
الهدف بيّن وعالي مثل طلعة كرا=والرماه ان كثروا اصبح هدفنا مهزله
بيننا لابد تبقى وثيقات العرا=والجذع من شاف وجهه لعله يسأله
العازمي
كل مخطي لو يترك على فعله ضرى = وانت ترخ الحبل وايام ترجع تفتله
لو معجب مر برهاط واطراف القرا = كان ماعوّد يشوف الهدف بالبوصله
معجب العتيبي
جرح يبرا من علاجه وجرحٍ مابرا=والعضو لازاد ابه داه لازم ننطله
صاحبك ماحطله ياعميلي مجهرا=جابها يوم ان غيره حياته حنظله
العازمي
الكلام اللي تقوله ملصّق بالغرا = لو يطبّق كان قلنا تحوش الاوله !!
كاتبين الخط واللي فهمها اللي قرا = والهدف مرسوم بالمسطره والمنقله !!
معجب العتيبي
ماجبرنا المشتري لوّ يروّح ماشرا=والخوي ليا مدحته بمدحك تقتله
حلمكم عند العوارف تراه يعبّرا=وابشروا بالحلم لامن تحقق بأكمله
« آخـــر الـــمـــشـــاركــــات »
24-Nov-2008, 11:13 PM
العرض الشجري