هذا تحليل احد المطران للابيات؟؟؟؟؟؟؟؟؟؟؟؟

[ابن هوازن]

أخوي أحمد شوقي صحيح كلامك

منصور بن بالود مات في هجرة الجمانيه وجل ما لا يسهو

والمختلف عليه أبوه بالود الضيط

ليت الأخوان يحررونها

,

,

نقال هم مطير وش فيك عصبت الله يهداك

بعدين نوره السيحانيه كانت عند خوالها مطير في زيارة

وكانت تشكى عند خالاتها من زوجها شايم الحنتير

لأنه شايب وكبير في السن

فقالن لها لا ترجعين له

وجاها زوجها شايم الحنتير عند مطير ضيف

يبيها ترجع معه من خوالها فرفضت

وقامن معها خالاتها المطيريات

فعاد شايم الحنتير يتهدد مطير فركبوا على إثره بعض مطير

وأمسكوه وقالوا تطلقها ولا ذبحناك

وقالوا مطير :

حنا أسرنا شايم الحنتير ومهارنا راجن علاه

لعيون لباس الحرير اللي يوصينا علاه

فقال شايم الحنتير يرد عليهم :

إن كان قصدكم طرحة الحنتير طرحة عجوزٍ في صفاه

تسعين مهرٍ في الجرير والسور سرواله ملاه

وهذه الوقعة حصلت بعد هذه الحادثه بين مطير وعتيبة في الجرير

بس ما ذكرت سلمى بنت بجاد العبدليه اللي تنخى العتبان

وهي وسط ربعها مطير وتسندها لفتيّل الزلامي شيخ العوالي :

عسى دبشكم يجيه من اليمن شملـول عتبـان صرمة عيال يلمونه على راي الزلامي
يحدرونـه ذره وينطحونـه يــم حيـضـان والملح له زلزله والطرح في الصبيان حامـي
القوم تسعين والماسوق عشر اميه من الضـان غير البعارين والمعزى كمـا سـود القدامي
وأول طلق في كراع العود يغدي العظم شـذان والياه طايح على البيداء كما عضـو المسامـي
واليالحقهم ثلاثـه واربعـه واثنيـن ورعـان يحول دونه من الروقه يجـي تسعيـن رامـي


وذبحوا أبوها اللي حاجرها من الزواج وأعتقوها


ولا قصة الأربع اللي أنتخن في ناصر الشغار !!!!!!!!


ولا قصة العبدليه اللي أنتخت في عجير الشلوي

تبي الطلاق من زوجها ضاوي وتقول :

يا من يوصلي كلامي لملفاة
لعجير بن مهرس بعيد الهقاوي
تكفى يبن مهرس زبون المجلاه
أبيك تفزع يا زبون الجلاوي
اجهم ابعيدين إمن الغرب تقداه
عليه من شغل النصارى بلاوي
إليا وصلت إلى القليب المسماه
قلط سبورك لاتعدي الحراوي
تراه بيّن كان تجهل حلاياه
يضرب مضاريب الخطر ما يراوي
وإليا عطيت الوصف كنك تحلاه
واحفظ إليا منك عرفت إسم "ضاوي

وبالفعل أمسك عجير بضاوي وجعله يطلقها


ترى الأمور مخبوره ومعروفه يا نقال هم مطير

وكل هالقصص يا أخوي نقال قبل قصة نورة الملفقه عليها الأبيات

فأنتم أبخص بمثل هذه الأمور

وإن قلت أن العصيمي أوردها فالعصيمي ليس إلا جامع فقط

وليس راوي وليسَ من نفس القبيلة أيضاً

وقد أورد الراوي جبر بن سعيد السيحاني قصة نوره الحقيقية

وهو حي يرزق في مدينة شقراء

وقال جبر بن سعيد أن الأبيات ملفقه عليها

وهي ليست بشاعرة مفوهه

إنما قالها أحد مطير نصرة لخالاتها

ولا بالعقل تمدح مطير بهالمدح وتترك ربعها عتيبة !!!!

ويا هلا ومرحبا فيك