:: عبد (ابن هذال ) + ابن هذال (الظفير و مطير وحرب)

[وائلي]

قال عبد الله بن ماجد الهذال بعد ان رحل للعراق

يا نجد لاجاك الحيا نادي لنا = وشبي لنا براس المقوقي نار
يا نجد لاجاك الحيا وصي لنا = وان زان وقتك فارسلي عمار
عبدٍ خذاله زوجه من هل القرى = شارت عليه وطاوع الاشوار
ومن طاوع العذرا على غير صايب = يصير كما اللي ضاع بالنهار
جلس قليل الفود من شان الغنم = وخلا بنات الهرش معنا ابكار
حلفت انا يانجد مارخصك عندي = مير الدهر والوقت فينا جار
سبعة سنين مالمع فيك بارق = مات الحلال ويبست الاشجار
جرتي علي وانا معذي جنابك = واليوم سكنك شاوي وحمار
حاميك انا يانجد بالرمح والقنا = في لابة تسقي الخصيم امرار
حنا شبات الحرب صبيان وايل = ملجأ الضعيف مدلهين الجار
حنا أهل العادات اخوان بتلا = الى جفتنا الدار نلقا دار
لاجارت علينا الديرة وامحلت = نلقا لنا ابدار العدو معبار
نجي على وضح النقا ونرهب العدا = ما كننا الا يمهم زوار
يانجد شفي فيك طيرة وعيرة = وغمر الحطب لاحط فوق النار
أقفيت من عندك بنمرا ضرية = عسامها يغطي الجبال اغبار
أدنا منازلنا بوادي النعايم = واقصى منازلنا بغار انشار

ويقول الشيخ عبد الله الهذال

أنا نفضــت القنـو لين الخمج طاح @@ بسعود من جعل المنايا تعداه
الصبح أطـالع قبة تـقـل مضــياح @@ متريحً ما بين شــطين وافراه
وأنا أحـمد الله ذودنا خلف والقـاح @@ والجوع خالفنا وحنا نسيناه
ماني كما اللي قاعدن يم الاسياح @@ لاطالعه سبر أبرق الجوع يلقاه

آخر تعديل وائلي يوم 03-Mar-2009 في 05:29 AM.