معركة الحفر وهدان المسماه كون الفضيحه

[غيمار العطاوي]

بسم الله الرحمن الرحيم


السلام عليكم ورحمة الله وبركاته


وبعد ..

كانوا بعض الروقه قاطنين على الحفر غرب كشب وفي يوم من الايام

اعتدت

قبيلة مطير على الروقه على مورد الحفر وحصلت الهزيمه على الروقه

وانتصر عليهم القوم واخذوا الحلال وقتل الكثير من الروقه في ذلك

اليوم ,, وكان شليويح العطاوي قاطنا على مورد المويه شرق حرة كشب

ومعه باقي قبائل الروقه ووصل اليه رجال من الروقه اللي حصل

عليهم الهجوم مشيا على اقدامهم وعندما وصلوا الى الامير شليويح

قالوا ياشليويح حنا بقية من ورانا اكانوا علينا مطير واخذوا حلالنا وذبحوا

الكثير من الرجال فسئلهم شليويح من اين وصلكم الغزو فردوا عليه

القوم كثيرين ولا يحصون ولا يعدون وهم مقيمين بالقرب من جبل هدان

والقوم المذكورين اللي غزوا الروقه قد سبق وان غزوا الحمده ومعهم

بعض قبائل برقا واخذوا من ابل الحمده ومن ابل برقا..

وقال شليويح نادوا لي الصانع فلما وصل اليه الصانع قاله شليويح

حذ الخيل وحدد الشلف والسيوف وكان وقتهم في دخول شهر الموسم

وفي بضعة ايام انجز الصانع ما امره به,,



شليويح العطاوي غزواته واكوانه يحددها دائما يوم الثلاثاء من كل اسبوع

وعندما نوى الامير شليويح الغزو نادى جماعته واخبرهم

بالاستعداد ,,

وفي الصباح الباكر توجه الامير شليويح والروقه غازيا على القوم جهة

جبل هدان وواصلوا طريقه حتى جاء بالقرب من القوم في الليل ووجه

الامير شليويح جماعته بالمبيت وقال غدا نصبحهم يوم الثلاثاء يوم العيد

الاول بمشيئة الله ,,,,,,






ومع طلوع الشمس وهم مصبحيمهم وهم معيدين وقد انتصر الروقه

بقيادة شليويح العطاوي انتصارا كبيرا وقتل الكثير من القوم واسترجع

الامير شليويح حلال الروقه بكامله واسترجع ابل الحمده وبرفا ,, وبعد

انتهاء المعركه وانتصار الروقه عادوا الى ان وصلوا الحفر ونادى شليويح

بصوته للروقه كلن ياخذ حلاله اللي يعرفه واخذوا حلالهم وواصل شليوح

حتى وصل الى اهله عند المويه واوقف الابل كامله ونادى جماعته ذوي

عطيه وقال اخرجوا لي البل اللي عليها وسم العضاد وهو وسم الحمده

وقال اخرجوا لي الابل اللي عليها وسم برقا ونادى اربع رجال من ذوي

عطيه وقال سوقوا البل هذي لين توصلونها لبن حميد هذا حلاله وحلال

برقا اسرجعناه من القوم وحراما علينا اكل حلال عتيبه وتوجه الاربعه


بالبل الى ان اوصلوها الى اهلها

وهذه المعركه اللتي وقعت على هدان والحفر بقيادة الامير شليويح

العطاوي والتي سميت كون فضيحه عل مطير

وقد قال الامير شليويح العطاوي هذه الابيات بمناسبة المعركه:

ياراكب اللي ماتلتها المفاريد=محيله من يوم كانت حواره
تلفي على شبنان وعقاب وعبيد=حماية الساقه نهار الكراره
ومحمد اللي مدهلا للاجاويد=اللي على الحارب تناقل مهاره
ليته يشوف اكواننا في ضحى العيد=جمعن تغشاهم وجمعن يساره
قله ترى الجبرين مقدم هل الجيد=الهم ليالي ساكنين المعاره
نحدهم حد القرانيس للصيد=بالاد روق اللي سوات النماره
الخيل عنهم ماتعرف التسانيد=والرجل نركبها خشوم الصباره
ماكن لجة خلجهم مع قرى الحيد=لجة حماما مصفياتن بياره
وشطنا تشيل لها بنيات ووليد=والمورقي يصرف على غوش جاره
يبا الثواري ماخذيتوا من الفيد= وماوخذ من برقا خذينا ضماره

(شبنان وعقاب وعبيد ومحمد اللي ذكرهم الامير شليويح في قصيدته
هم الحمده)

آخر تعديل غيمار العطاوي يوم 03-Mar-2009 في 11:42 PM.