وقعة عقيلان بين عتيبه وقحطان

[سلطان عتيبة]

السلام عليكم

وقعة عقيلان صحيحة وهي بين سبيع وقحطان في الأساس وانما اشتركت عتيبة فزعه لسبيع وليس كل عتيبة , الكرزان فقط

يقول ضيف الله العفار راثيا أخاه عبيد ومحرضا الشيخ محمد بن هندي على غزو قحطان

ياونتي ونة كسير الجباره = اليا وقف مااحتال واليا قعد ون
عليك ياشباب ضو المناره = عليك ترفات الصبايا ينوحن
من مات عقب عبيد قلنا وداره = لا باكين عقبه ولا قايلن من
تبكيك صفر البسوها غياره = تبكيك يوم ان السبايا يعنن
الخيل عقب عبيد مابه نماره = حتيش لو راحن حتيش لو جن
ياشيخ ماتامر عليهم بغاره = كود الجروح اللي على القلب يبرن

فرد عليه شالح بن هدلان يذكره بقتلهم اخاه الفديع

ضيف الله اشرب ماشربنا مراره = اصبر وكنك شالح يوم حزن
راح الفديع اللي علينا خساره = واخذ قضاه عبيد حامي ثقلهن
يمنى رمت به ماتجيها الجباره = اللي رمت بعبيد في معتلجهن
من نسل ابوي وضاري للشطاره = يصيب رمحه يوم الرماح يخطن
وعاداتنا بالصيد ناخذ خياره = (ثلاثة الجذعان) غصبن بلا من
ياقاطع الحسنى ترى العلم شاره = لابد دورات الليالي يدورن

الثلاثة المقتولين في هذه الوقعة الذين أشار لهم ابن هدلان بـ(الجذعان) هم: محيميد بن خالد بن تركي بن حميد ، ونايف الأول ، وعمر عيال محمد بن هندي

اما القصيدة التي ذكرها الأخ هداج فلا أعلم عنها