تكفا يابوفيصل تعجل علينا

[اسمحلي مجنون]

المشاركة الأصلية كتبت بواسطة ّديب عروا

تكفا يابوفيصل تعجل علينا=الوضع مدّهور ولافيه مخراج
الذيب الاقصا للقضا محترينا=والذيب الادنا شاربن كل هداج
صرنا شتات وكل طامع يبينا=والكل منا حط مبدا ومنهاج
حتي الثعالي لدت العين فينا=قامت تهقوانا علي العز والتاج
لاعاد نقواها ولاهي بدينا=قوّت عزايمها وسوّت لها افواج
وااتفرقه ياشيخنا وش لقينا=غير المذمه والاهانه والاحراج
ومن واحد وتسعين قول اش خذينا= اطلق شنب فينا لاهالحين محتاج
بريه دلّوها وحنا غدينا=تكفا يابوفيصل ترا وضّعنا داج

ذيب عروا
صح لسانك مدد بلا عدد00وانا اعجبتني ابياتك ورديت عليها في الحال وعساها تكون مجاراه طيبه000

من غير قاصر يا ولد لا تبيــــنا=بعض العلوم الواصله يم هــــراج
فيصل ولد سلطان شيخ ٍ ثمينا=له هامة ٍ فوق العرب مثل الأبراج
بس الوضع يا ذيب مهوب زينــا=ميله عليكم قام يدلــــــج بالأد لاج
زالك تصيح وتزهم الغائبيـنـــــا=عن ساحة الميدان قفــوا بالأدراج
إقفاي منهو ناوياً ما يجينـــــــــا=بالسيف مقفي والليالي لها سراج
اطلب ولي الكون وارفع يدينـــا=يرزقك بالارزاق والرب فــــــــــــراج
هم العباد وسقمهم في سنينــا=يجلاه ربك في الدقائق بلا عــــلاج
هذي حقائق شاعر ٍ ما يلينـــــــا=للي يشيل القيل مـــــــع كل دواج
أخذ الكلام الزين وانته فطينــــــا=لا ترمي الموال مع كل بــــــــــواج

وسلامت الجميع
ش/اسمحلي000

آخر تعديل اسمحلي مجنون يوم 22-Sep-2009 في 11:38 PM.