عقاب العنزي=
يسقيك ياعصر التقدم والفكر والانفتـاح=قالوا لنا للشعر حطو مسشتـار ٍ لـلآدب
نشدت عنّه قالوا العربان ليّ إبـن فـلاح=قلنا عسى يفهم ويحفظ ماورد وسط الكتب
علي فلاح العضياني=
العلم نور , إليا بدا غطّى على نور الصبـاح=و المعرفه يقضي بها القاضي على سلم العرب
يا طير يوم الله عطاك جناح رفرف بالجنـاح=و إن كان ما تقدر تحلّق فوق , لله العجب !!!
عقاب العنزي=
حنا سمعنا علم عنك تسابق ادراج الريـاح=ودك على البيت الكبير تحوش رزقك ياشنب
في وسط غابات السافانا ياعلي كثر الصياح=اللي نبح واللي هدر واللي نهق واللي قنب
علي فلاح العضياني=
أذّن على المنبر لفرض الله بلال إبن رباح=من بعدها تبّت يدين ابو جهل و ابو لهب
الذيب نيبانه و مخلابه تعدّ أكبـر سـلاح=و الثعلب الماكر يدسّ الراس و يرزّ الذنب
عقاب العنزي=
في دور خطلان الايادي وين كفّين الشحاح = ياللي تميحون الدلي مدري تشيلون القرب
جمال عبدالناصر القومي تجلّى بالكفاح = وازرى يكافح والسبب ماحتاج اقول إلك السبب
علي فلاح العضياني=
قدر الكرامه بالكرامه من لهيب النار فاح=لو إنّ ما كل الطراقي يستحقّون الشبب
القدس حرّرها صلاح الدين من يجهل صلاح=على ظهور الخيل بالشلفا و بالسيف الحدب
عقاب العنزي=
كل ماطلع لي جيل رحت ارقب على الحزم البراح = ياوجد حالي يوم اشوف الحر من خلف الحقب
بغى يحررها رجل ثاني ولكن قيل طاح = طابق فصيلة دمك السالب وطابق للعصب
علي فلاح العضياني=
بعد القريحه ما ارتوت من منهل الشعر القراح=يا تركي الالفين لا تنقد على سوار الذهب
كل العرب تعرف قصر دسمان لعيال الصباح=و اللي يقول لغيرهم : يكذب و يخسى و يعقب
« آخـــر الـــمـــشـــاركــــات »
العرض الشجري