قصيدتي في حفل مطلق بن شليّان بن ردّه الذّيابي

[رائد الكيرعاني القحطاني]

أسعد ا لله مساكم يالقروووم





هذي ابيات القيتها في حفل خالد بن مطلق الذيابي وطلعت في القناة مقطّعة





وتستاهلون يا عتيبه المدح وزود

المواجيب تحداني .. والهواجيس تحداني = والمشاعر قوسها ليّن مثل قوس الرّبابه
بارك الله فيك يا خالد وبلّغك التّماني = يا سليل المعرفة والطّيب وبيوت الذّرابة
بيننا جيرة واعدّك مثل واحد من خواني = والوفا بين الرّجال اهل الوفا يحسب حسابه
ولأجل ابو خالد وخالد جيت صوب الحفل عاني = يا سلام الله على لطّامة العايل عتابه
عزوة يوم الحميّا والظّفر والجبّخاني = يكسبون المدح ولحاهم لها قدر ومهابه
يكرمون الضيف والعاني ومزبن كلّ جاني = كلّ منهم فاتح للضّيف مقلاطه وبابه
العتيبي من زحول ما يهابون السّناني = لا عصب راسه وشاف الموت غنّا مرحبا به
لاعتزت برقا بروق وصار علم وعلم ثاني = شفت قوم ما تعرف الذّل في يوم الحرابه
ايــه وآنــا من عيال العود صبيان قحطاني = عزوة من نصيها مضهود عزّ الله جنابه
لابة نوخذ خيار القود قدّام العياني = وقعنا في كلّ دار وعلمنا مع كلّ لابه
ان تحالفنا وفينا .. وان تعزوينا نباني = للخوي عزّ وسنود وللحريب اسود غابه
من ورا ضلعان شمّر لا ورى الحدّ اليماني = سجّل التاريخ مجد لا يصدّ ولا يجابه
ووالله اني ما حضرت الاحتفال وجيت عاني = غير ابرضي خالد وبو خالد وعزوة عتابه

آخر تعديل رائد الكيرعاني القحطاني يوم 04-Oct-2011 في 11:43 PM.