قصيدة الشاعر / احمد بن غازي بن عبيد الشيباني في منقية : خزام بن متروك الشيباني

[عبدالله ابن مشيب]

بشر عتيبه هل النوماس والطاله
الابه اللي بعيدات'ن هقاويها

ابشارة'ن بيض الله وجه من قاله
اغلب جوايز هل البل قسمنا فيها

لعيون مشعل يوم'ن دعى و جيناله
و كل'ن يسوق الرعايا له و مشقيها

الفوز قسم الرجال اللي تهياله
و حنا لنا الفوز باولها و تاليها

دايم لنا بالصداره وسم وادلاله
مرفوق'ن اسم العتيبي في معاليها

فوز'ن يشرّف ولا كل من بغى طاله
فوز'ن يجدد لحاضرها بماضيها

ولا غرابه علينا الفوز بحواله
ولا كل رجل'ن يبيها جا مضويها

حنا هل الطايله حماية القاله
افعولنا متعبة منهو يجاريها

ولا يخيب الفقير اللي فزعناله
مداتنا للشرف تاصل مغازيها

و الخصم يا شيب عينه لا وقفناله
نقصر هقاويه ما تاصل مناويها

من دون ها البل دحرنا كل عيّاله
حنا هل البل و نكسبها و نحميها

لا جا نهار'ن به البارود و اظلاله
و قاموا لها ثم تناخو دون تاليها

خصيمنا انا انشهد ان مشروب فنجاله
و امجادنا ماضي الايام يكفيها

الحمل لوّه ثقل ما كاد نشتاله
ما تنثني روسنا والله معليها

اليا زعلنا يصيب القاع زلزاله
و تراقف اعظام ناس'ن ما ندانيها

كل'ن عرف مخرجه من باب مدخاله
واللي ما هو قد'ن الها لا يناحيها

عتبان جمع السعد و تشرف افعاله
يا حيّ ربعي و حيّ الله طاريها

و يعيش منهو برعايانا عنيناله
اميرنا اللي صروح المجد راقيها



وسلامتكم ..

آخر تعديل عبدالله ابن مشيب يوم 04-Jan-2013 في 09:25 AM.

[العــــــــابر]

صح لسانه

وسلمت يمينك

والهيلا تستاهل


لاهنت يابن مشيب

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[عبدالله ابن مشيب]

صح بدنك اخوي العابر و سلمت على ها المرور المشرف ...

[الرومي]

يستاهل خزام الشيباني , كل من يرفع اسم قبيلتة بالمدح يستاهل الفخر والمدح.

التوقيع

migeed33@hotmail.com