سلام الله برديه وعيديه!!!

[السميــــــري]

وانت بخير وسلامه وعافيه .. (( ومعذور معذور )) مافيه خلاف .
مع اني الان مشغول لكن استلم ..
..

الا ياصاحبي ماشفت وش علق بصفح الجيد = عجب عجب ياصاحبي ماهو على جلايدها
لياا منك رضعت الديد باقي لاتفك الديد = وهذي سنة الله كلهاا تفطم ولايدهاا

[عبيدالله العرابي]

تموت أهل الحسد ماكبّت التنكيد والتعقيد=تنام الناس وآهل الحسْد ماقرّت وسايدها
ليا منّك عرفت الأصلي إعرف وش هو التقليد=ترى العالم ملل وآديان وش لك في عقايدها

[سعود العصيمي]

المشاركة الأصلية كتبت بواسطة {بعيدالنظر}

تموت أهل الحسد ماكبّت التنكيد والتعقيد=تنام الناس وآهل الحسْد ماقرّت وسايدها
ليا منّك عرفت الأصلي إعرف وش هو التقليد=ترى العالم ملل وآديان وش لك في عقايدها

صح لسا نك يابعيد النظر

[عبيدالله العرابي]

إرحبوا ياالربع إرحبوا
كلٍ بإسمه

[السميــــــري]

..

ولا من يحسدك يلي وسومك بيّنه فالحيد = عليهاا مطرقين وحلقهٍ بانت مقايدها
ترى التقليد والاصلي يعرفه راعي التبريد = وهذي مهنته والناس تعرف في عوايدهاا

[عبيدالله العرابي]

أنا لاشفت صيد ارتاح وآنت اللي عليك الصيد=وخل الوسم جا فى جنوبها ولا على يدها
تمثّل للاوامر يالسميري نفّذ التعميد=تبي تتعب تجاهد والليالي من يجاهدها

[عبيدالله العرابي]

أمشيها عليك ولآنت داري لين تضرب حيد=سباع الغاب فى المخلاب ماعاشت طرايدها
أنا ما آستقبل دروسي من الطلاب بالتحديد=كثير من الغشم تخرج على فمها مصايدها

[عبيدالله العرابي]

تبي تمشي بعد ماآخذتها بالكاش والتقصيد=وتنكرها لكن عتيبه الهيلا تشاهدها
قرون الوعل طاحت والوعل مايملك الترشيد=يبي ينطح جبل مايدري إن الروح لاهدها

[عبيدالله العرابي]

الشاعر الراائع / سعود العصيمي
صح قلبك وشكراً لحضورك الباهي .
تقديري لك

[مرزوق حمدان العتيبي]

..
.
ابداع بلاحدود يابعيد النظر ..
و السميري...

لاهنتوا ....
واصلوا ... ونحن هنا للاستفاده ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD